Perspektiva të mira për udhëtimet turistike – Pavarësisht motit ekstrem në Europë, vlerësimet janë të larta

Aksionet e shoqërive europiane të udhëtimit u tkurrën për shkak të motit ekstrem në korrik, por shumë investitorë mendojnë se kërkesa solide do të vazhdojë të mbështesë sektorin.

Një indeks i stoqeve europiane të udhëtimeve dhe kohës së lirë është zgjeruar me 33% krahasuar me vitin e kaluar, falë rritjeve më të mprehta të çmimeve në artikuj si biletat e linjave ajrore dhe tarifat e hoteleve.

Linjat ajrore, operatorët e lundrimit dhe pronarët e hoteleve kanë qenë përfituesit kryesorë, ashtu si edhe prodhuesit e avionëve dhe motorëve.

Sipas të dhënave nga Organizata Botërore e Turizmit, numri i vendeve pa kufizime ndaj COVID-19 është rritur trefish gjatë një viti, në mbi 180 dhe lëvizjet e turistëve po afrohen në nivelet para pandemisë. Europa është ndër rajonet me më rritje.

Tregtarët ende shohin më shumë mundësi përpara, edhe pse tregjet përballen me pasiguri makroekonomike në rritje dhe Europa me motin ekstrem.

Lojërat Olimpike të Parisit dhe Kampionati Europian i Futbollit në Gjermani vitin e ardhshëm do të mbështesin gjithashtu rritjen. Sipas ekspertëve të sektorit, perspektiva e industrisë globale duket e mirë për vitin 2024.

Goldman Sachs pret përmirësime të rëndësishme të vlerësimeve dhe fitimeve këtë vit. Për vitin 2024, parashikohet që debati të zhvendoset në qëndrueshmërinë e tendencave aktuale, me rritjen e papunësisë në Mbretërinë e Bashkuar që çon në një moderim të rritjes së kërkesës për kohën e lirë.

Ryanair, linja ajrore më e madhe në Europë për nga numri i pasagjerëve, shënoi fitime rekord javën e kaluar dhe tha se kërkesa dukej e fuqishme për pjesën tjetër të verës, megjithëse paralajmëroi se rritja e tarifave mund të zbutet. Nga ana tjetër, kompania nuk parashikon ulje të udhëtimeve për shkak të valës së të nxehtit në Europën Jugore.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.