Problemet e Credit Suisse, Lagarde qetëson tregjet – “Situata po monitorohet, jemi gati të ndërhyjmë nëse do të duhet!”

Presidentja e Bankës Qendrore Europiane, Christine Lagarde u shpreh se tensionet mbi qëndrueshmërinë financiare mund të kenë një impakt mbi kërkesën dhe mund të mund të kryejnë atë pjesë të punës që do të duhej të bëhej nga politika monetare dhe rritjet e normave të interesit.

Më tej ajo theksoi se impakti nuk është shumë i qartë në këtë moment, por duhet marrë në konsideratë kur të krijohen projektimet e ardhshme; si dhe kur të të bëhet vlerësimi i rradhës dhe do të vendose lëvizja e politikës monetare.

Lagarde shtoi se po monitorohen me kujdes zhvillimet e tregut dhe cdo gjë është gati për një ndërhyrje të mundshme nëse do të duhet, për të ruajtur qëndrueshmërinë e cmimeve dhe atë financiare të zonës së euros. Në çdo rast, paketa e politikave të BQE-së është plotësisht e pajisur për të ofruar mbështetje likuiditeti për sistemin financiar të zonës së euros, nëse është e nevojshme, si dhe për të ruajtur transmetimin e qetë të politikës monetare. Lagarde këmbënguli se nuk ka asnjë kompromis midis “stabilitetit të çmimit” nga njëra anë dhe stabiliteti financiar nga ana tjetër. Ajo përsëriti se për sa i përket stabilitetit financiar, janë të gjitha mjetet e nevojshme. Si për shembull funksionimi standard dhe mjete të tjera që mund të përdoren. Një gjë e tillë sipas saj është dëshmuar në të kaluarën dhe këto mjete do të përdoren nëse është e nevojshme, por nuk do të ketë një kompromis mes të dyjave.

Lagarde u shpreh se nuk dihet se si do të zhvillohen tensionet financiare, por ka shumë besim se sektori i shëndetshëm bankar, është i mirëkapitalizuar dhe me raporte të forta likuiditeti. Rregullat që zbatohen në Europë sipas direktivave për krizat e zgjidhjes së bankave nuk janë ato të aplikuara nga institucionet e tjera, veçanërisht nga autoritetet zvicerane. Zvicra nuk vendos standarde në Europë, theksoi ajo.

Krahasuar me ekspozimin e bankave të Eurozonës ndaj Credit Suisse “feedback-u dhe vlerësimi që është prodhuar tregojnë se është një ekspozim shumë i kufizuar. Gjithashtu nuk flitet për miliarda, por për miliona.

Kriza e Credit Suisse, por edhe efektet e falimentimit të Bankës Amerikane të Silicon Valley, do të jenë në qendër të bisedimeve në Eurosummit, por ende nuk është vendosur nëse kjo temë do të përfshihet në konkluzione.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.