BE heton marrëveshjet tatimore të shumëkombësheve – Kompanitë teknologjike urdhërohen të paguajnë taksat e prapambetura

Rregullatorët e BE-së pritet të nisin hetime të reja për për marrëveshjet tatimore midis vendeve të BE-së dhe shumëkombësheve, pas rishikimit të marrëveshjeve të tyre në dekadën e mëparshme.

Zëvendëspresidentja e Komisionit Europian Margrethe Vestager, e cila ka urdhëruar Apple të paguajë 13 miliardë euro taksa të prapambetura në Irlandë dhe Amazon 250 milionë euro për Luksemburgun, u shpreh se marrëveshje të tilla përbëjnë ulje të paligjshme tatimore.

Pavarësisht deklaratës së saj, Vestager tha se planifikimi agresiv i taksave “është ende në mbështetje të BE”. Ajo shtoi se shërbimet kanë kryer një hetim të thellë mbi praktikat e qeverisjes tatimore në të gjitha shtetet anëtare për periudhën 2014-2018 dhe pritet që kjo të çojë në hetime të reja në vende të caktuara. Por ajo nuk përmendi vendet apo kompanitë.

Vestager ka pasur një histori në mbrojtjen e vendimeve të saj në gjykatë, me gjykatën më të lartë europiane që pritet të vendosë mbi apelimet e saj në muajt e ardhshëm pasi një gjykatë më e ulët hodhi poshtë urdhrat e saj tatimore për Apple, Amazon dhe Starbucks. Megjithatë, ajo mori mbështetjen e gjykatës për urdhrin e saj ndaj Engie për të paguar taksat prej 120 milionë eurosh për Luksemburgun.

Edhe Belgjika, Irlanda, Luksemburgu dhe Holanda kanë ndryshuar të gjitha praktikat e tyre tatimore si  reagim ndaj kryqëzatës së saj tatimore.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.