Pse ndalimi i Huawei do t’i kushtojë Gjermanisë 400 milionë euro?!

Operatori kombëtar hekurudhor i Gjermanisë do të duhet të shpenzojë deri në 400 milionë euro (437.44 milionë dollarë) për të zëvendësuar të gjithë komponentët në infrastrukturën e tij të furnizuar nga gjigandi kinez i teknologjisë Huawei Technologies, raportoi revista kombëtare Spiegel.

Deutsche Bahn, e cila është në pronësi të shtetit, do të përballet me vonesa prej pesë deri në gjashtë vjet për projektet e saj nëse qeveria gjermane vendos të ndalojë komponentët e Huawei në afat të shkurtër, thuhet në raport, duke cituar një dokument të brendshëm të kompanisë.

Qeveria gjermane po shqyrton aktualisht nëse disa komponentë nga Huawei dhe ZTE duhet të ndalohen nga rrjetet e saj të telekomunikacionit, mes shqetësimeve më të gjera për ndikimin e kompanive kineze në infrastrukturën kritike.

Çdo vendim për të ndaluar plotësisht Huawei-n ka të ngjarë të sjellë një përgjigje të zemëruar nga Pekini, me ministrinë e jashtme kineze që i ka kërkuar Berlinit të veprojë në përputhje me interesat e veta dhe rregullat ndërkombëtare.

Deutsche Bahn, e cila po kërkon të dixhitalizojë operacionet e saj, dhjetorin e kaluar i dha një degë të Deutsche Telekom një kontratë 64 milionë euro për të furnizuar shumicën e komponentëve për rrjetin e saj të ri IP një kompanie që përdor teknologjinë nga Huawei.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.