Puna më e kërkuar, 80 mijë dollarë në vit – Nuk duhet arsim dhe kërkohen vetëm 3 kushte

Kriza ekonomike, gjeopolitike dhe mbi të gjitha klimaterike po krijojnë shtigje të reja pune vitet e fundit, pasi një numër jo i vogël degësh tentojnë të zhduken nga harta e punës, ndërsa të tjera lindin dhe sjellin risi. Tashmë është zbuluar se cila është puna e së ardhmes: Teknik i turbinave me erë në SHBA me një pagë vjetore prej 80.000 dollarë!

Sipas Zyrës së Punës të vendit, punësimi në këtë sektor pritet të rritet me gati 45% në 10 vitet e ardhshme, niveli më i lartë i çdo sektori tjetër. Këto vende pune në SHBA janë gjashtëfishuar që nga viti 2018, sipas të dhënave nga Revelio Labs, dhe betejat e fundit të industrisë nuk e kanë ngadalësuar ritmin e rritjes.

Domosdoshmëria për një largim të menjëhershëm nga lëndët djegëse fosile me zerimin e emetimeve të gazeve serë në disa dekada do të përshpejtojë procedurat për ndërtimin e Burimeve të Rinovueshme të Energjisë dhe për rrjedhojë do të hapë edhe vende të reja pune. Prandaj, një teknik me përvojë mund të fitojë deri në 80.000 dollarë në vit pa pasur as një diplomë kolegji. Mjafton që ai dëshiron të udhëtojë vazhdimisht, të përballojë kushtet ekstreme të motit dhe mbi të gjitha të mos ketë frikë nga lartësitë.

Gjatë 10 viteve të ardhshme, SHBA do të shtojë 120 GW të tjera të energjisë së erës – një sasi në gjendje të mbulojë 40 milionë familje. Sipas analistëve kjo mjafton për të garantuar qëndrueshmërinë afatgjatë të punësimit të sektorit.

Teknikët e nivelit fillestar paguhen 21-27 dollarë në orë ose 50.000 dollarë për një javë pune prej 50 orësh. Nëse dikush është i gatshëm të udhëtojë dhe të punojë jashtë orarit, ai mund të fitojë edhe 30.000 dollarë më shumë.

Nuk kërkohen kualifikime të veçanta, megjithatë punonjësi i ri duhet të marrë një certifikatë përmes një kursi që zgjat 9-14 muaj.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.