Rezervat valutore 3 trilionë dollarë që fsheh Pekini – Roli i tyre në Rrugën e Mëndafshit dhe kërcënimi për ekonominë ndërkombëtare

E njohur për suficitet e saj të paimagjinueshme tregtare, por edhe për rezervat marramendëse të këmbimit valutor, si dhe për borxhin e madh amerikan që mban, Kina duket se ka një tjetër armë sekrete: ajo është ulur në 6 trilionë dollarë, gjysma e të cilave janë të “fshehura”, prandaj përfaqësojnë një kërcënim të ri për ekonominë globale. Ky është vlerësimi i Brad Setcher, një ekonomist i njohur dhe ish-zyrtar në departamentet amerikane të Tregtisë dhe Ekonomisë.

Siç thekson ekonomisti në fjalë në platformën e lajmeve “The China Project”, ai llogarit se institucionet financiare që raportojnë të dhënat e tyre në qeverinë qendrore ndoshta grumbullojnë rezerva valutore prej rreth 6 trilionë dollarë. Rezervat zyrtare, megjithatë, sipas Shërbimit Shtetëror të Këmbimit valutor, nuk i kalojnë 3.1 trilionë dollarë, siç u regjistrua në fund të vitit të kaluar. Kjo do të thotë se pjesa më e madhe e rezervave valutore të Kinës nuk figurojnë askund në librat zyrtarë të bankës qendrore. Kjo është një lloj “rezervë hije” që shfaqet, përkundrazi, në aktivet e subjekteve si bankat shtetërore.

Siç thekson ekonomisti amerikan, rezervat zyrtare valutore të Kinës kanë mbetur në stanjacion vitet e fundit, ndërsa ato të “fshehura”, të cilat shfaqin një larmi të gjerë, janë rritur ndjeshëm bashkë me suficitin tregtar të ekonomisë së dytë më të madhe në botë. Setcher thekson veçanërisht se “paqartësia që karakterizon Kinën është një problem për pjesën tjetër të botës për këtë çështje të veçantë”.

Rezervat zyrtare valutore të Kinës kanë mbetur në stanjacion vitet e fundit, ndërkohë që rezervat e “fshehura” janë rritur ndjeshëm së bashku me suficitin tregtar.

Madje ai sqaron se roli i Kinës në ekonominë globale është aq qendror sa që “çfarëdo që të bëjë, pavarësisht nëse del në sipërfaqe apo jo, në fund të fundit ka një ndikim të madh në pjesën tjetër të botës”. Një shembull se si ato mund të ndikojnë dhe çfarë lloj ndikimi do të kenë rezervat valutore të Kinës, është roli që mund të luajnë në financimin e projektit të ri ambicioz të Pekinit, Rruga e Mëndafshit. Sipas Setcher, sasia e rezervave të fshehura “thekson një fakt të rëndësishëm që ne priremi ta harrojmë shpesh kur flasim për problemet e mbingarkesës së borxhit të brendshëm të Kinës”. Ekonomisti amerikan kujton se “Kina është një kreditore e madhe, për disa pjesë të botës më e rëndësishmja madje.”

Ai madje thekson se burimet e Kinës “janë një forcë kaq e madhe dhe e fuqishme saqë një projekt i tillë global dhe afatgjatë i infrastrukturës si Rruga e re e Mëndafshit duket të jetë një nënprodukt i vendimit të marrë nga Pekini në 2009 për të gjetur mënyra të reja për asgjësimin e rezervat valutore të Kinës. Madje ai sqaron se “Kina është një ekonomi kaq e madhe dhe me disbalanca kaq të gjera, saqë të gjitha aktivitetet e saj kanë në mënyrë të pashmangshme një ndikim të madh ndërkombëtar në mënyrë disproporcionale”.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.