Risitë e skemave të mbështetjes për fermerët – Tarelli: Aplikimi si “grup fermerësh” nuk është kushtëzues

Nga skemat e mbështetjes në bujqësi këtë vit, do të kenë mundësi që të përfitojnë edhe fermerët të cilët kanë më pak se 10 krerë bagëti, apo që kanë një spërfaqe tokë të kultivuar më pak më pak se 1 hektarë.

Kushti i vetëm është që të jenë të regjistruar apo të pajisur me NIPT.

Drejtori i Politikave në Ministrinë e Bujqësisë Irfan Tarelli sqaroi se bashkimi apo aplikimi si “grup fermerësh” nuk është kushtëzues, por iu vlen atyre fermerëve, të cilët ndër vite nuk kanë përfituar, për shkak se nuk kanë plotësuar kushtet e përcaktuara.

Për emisionin “Box to Box” Tarelli u ndal në mënyrë të detajuar tek risitë e skemave që do të aplikohen për 2024.

Sipas Ministrisë së Bujqësisë, janë rreth 70 mijë fermerë që pritet të përfitojnë këtë vit. Aplikimet nisin në 27 Mars dhe përfundojnë në 19 Prill.

Ada Hazizolli/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.