Rriten sërish çmimet e produkteve për pastrim – Situata pritet të ndryshojë në gjysmën e dytë të vitit

Unilever konfirmoi se do të vazhdojë të rrisë çmimet për detergjentët, sapunët dhe ushqimin e paketuar për të kompensuar rritjen e kostove të inputeve dhe për të lehtësuar këto rritje në gjysmën e dytë të 2023-shit.

Kompania me bazë në Londër, e cila prodhon produkte si lëngu larës për enë, sapunë, akullore dhe ushqime të paketuara, pret që inflacioni i kostos të vazhdojë në vitin 2023, duke parashikuar inflacionin neto të materialit në gjysmën e parë prej rreth 1.5 miliardë euro.

Industria e mallrave të paketuara ka rritur çmimet gjatë vitit të kaluar për të përballuar kostot në rritje të çdo gjëje, nga kakao, vaj luledielli deri tek gruri. Industria tashmë po përballet ende me problemet e zinxhirit të furnizimit të epokës së COVID dhe shpenzimet e lëndëve të para që kur Rusia pushtoi Ukrainën, duke rritur më tej çmimet e energjisë dhe mallrave të tjera. Sipas saj kur bëhet fjalë për mbulimin e inflacionit, kompania aktualisht është vetëm në rreth 75% të inflacionit të kostos totale të mbuluar. Kjo duhet të shkojë mbi 100% për të riparuar marzhin bruto. Rritjet e çmimeve do të vazhdojnë dhe në në gjysmën e dytë të këtij viti por do të jetë një normë më e ulët e rritjes. Kjo pasi ndoshta është kaluar kulmi i inflacionit, por ende nuk është kaluar kulmi i çmimeve.

Rritja bazë e çmimeve për tremujorin e katërt ishte një rekord prej 13.3%, ndërsa vëllimet bazë ranë me 3.6%. Disa kompani në Europë kanë thënë se mund të lehtësojnë rritjen e çmimeve të paraqitura vitet e fundit pasi kostot e larta të energjisë dhe lëndëve të tjera të para janë lehtësuar, duke ofruar potencialisht një lehtësim për konsumatorët.

Shitjet bazë në Unilever u rritën 9.2% në tremujorin e katërt, duke tejkaluar një vlerësim të analistëve të ofruar nga kompania për një rritje prej 8.2%.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.