Shqipëria marrëveshje me Gjermaninë për forcimin e sigurisë rrugore
Drejtoria e Përgjithshme e Shërbimeve të Transportit Rrugor ka bërë me dije se ka mbajtur një takim zyrtar e bashkëbisedim mes Zv. Ministrit të MIE, Z. Hantin Bonati dhe Z. Oliver Luksic, Sekretarin Parlamentar të Shtetit dhe Koordinatorin Federal për Logjistikën dhe Transportin e Mallrave në Gjermani, Z. Guido Zielke, Drejtor i Përgjithshëm i Trafikut Rrugor dhe Transportit të Ministrisë Federale Gjermane të Digjitalizimit dhe Transportit, në prezencën e Zv. Ambasadorit të RFGJ në Shqipëri, Z. Thilo Schroeter, ku kanë diskutuar mbi marrëveshjen e re që ka për qëllim bashkëpunimin e ndërsjellë institucional.
“Angazhohemi për të rritur ndërgjegjësimin dhe edukimin për sigurinë rrugore, për të gjithë përdoruesit e rrugës, për të mobilizuar organet publike dhe aktorët privatë drejt veprimeve konkrete me synim krijimin e një mjedisi më të sigurt dhe reduktimin e aksidenteve rrugore e pasojave”, thuhet në njoftim.
Ky bashkëpunim përforcon marrëdhëniet mes dy vendeve, duke afruar dhe më tej DPSHTRR-në me institucionet gjermane, drejt një misioni dhe vizioni të përbashkët për programet kombëtare të sigurisë rrugore.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.