Si ndryshimet klimatike kanë lejuar pemët të rriten më gjatë dhe të thithin më shumë CO2?!
Ardhja e hershme e pranverës dhe temperaturat e larta kanë zgjatur sezonin e rritjes së pemëve me rreth një muaj, gjatë të cilit ato rriten dhe zhvillohen.
Kjo do të thotë që bimët kanë më shumë kohë për të absorbuar në mënyrë aktive CO2, por stresi i nxehtësisë mund të ketë një ndikim negativ në florë, sipas shkencëtarëve në Universitetin Shtetëror të Ohajos në Shtetet e Bashkuara.
Studiuesit amerikanë kanë zbuluar se gjatë 100 viteve të fundit në Ohajo, drurët e fortë kanë marrë një muaj shtesë të vitit për t’u rritur për shkak të ngrohjes së klimës.
Sipas autores kryesore të studimit, profesor Kellen Kalinger-Joak, gjethet në pemë zgjasin rreth 15% më shumë sesa një shekull më parë.
Profesori vuri në dukje se specie të ndryshme reaguan ndaj temperaturave më të larta në mënyra të ndryshme. Disa pemë nuk i humbën gjethet për më gjatë, të tjerët dhanë sytha më herët.
Shkencëtarët nuk kanë studiuar ende efektet e një sezoni më të gjatë rritjeje, por ata sugjerojnë se kjo do t’i lejojë bimët të thithin dioksidin e karbonit nga atmosfera për më gjatë.
Në të njëjtën kohë, studiuesit paralajmërojnë se stresi i nxehtësisë mund të ndikojë në aftësinë e bimësisë për të thithur CO2.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.