Spanja drejt ndryshimeve drastike ekonomike dhe sociale nëse konservatorët fitojnë zgjedhjet!

Pak ditë para zgjedhjeve në Spanjë, fushata është intensifikuar, por sondazhet vazhdojnë të tregojnë për një ndryshim në qeveri.

Siç qëndrojnë gjërat, kreu i Partisë Popullore (PP) Alberto Núñez Feijoo, do të bëhet kryeministri i ri, megjithëse, me gjasë me mbështetjen e partisë së ekstremit të djathtë Vox, diçka që nuk ka ndodhur që kur filloi demokracia spanjolle pas fundit të diktaturës ushtarake në vitet 1970.

Ekspertët dhe komentuesit politikë tashmë po spekulojnë mbi ndryshimet e shumta që mund të sjellë në vend.

Vështirë se është diskutuar ndonjë propozim ekonomik gjatë fushatës, por ka një marrëveshje të gjerë që nëse do të ketë një ndryshim qeverie do të reflektohet në ekonomi.

Qeveria që do të hyjë do të ketë gjithashtu një sfidë tjetër, të reduktojë si borxhin spanjoll, i cili qëndron në pak më shumë se 112% të PBB-së, ashtu edhe deficitin, pra diferencën midis të ardhurave dhe shpenzimeve, aktualisht në 4.8%.

Do të ketë edhe disa ndryshime të dukshme në nivel social. Një nga ligjet më të prekura mund të jetë i ashtuquajturi Ligji Trans.

Legjislacioni depatologjizon ndryshimin e seksit, në përputhje me opinionin e Organizatës Botërore të Shëndetësisë, dhe lejon që ai të bëhet nga mosha 16 vjeç pa asnjë ekzaminim mjekësor. Ai u miratua shkurtin e kaluar dhe PP ka premtuar se do ta shfuqizojë.

Uge Sangil, president i Federatës Shtetërore të LGBTQI (FELGBT) tha se ky është një shqetësim i madh për komunitetin.

Të dielën Spanja mund të dijë ngjyrën e re të qeverisë së saj, edhe pse asgjë nuk përjashtohet, duke përfshirë javë të negociatave të koalicionit apo edhe një përsëritje të zgjedhjeve, njësoj si në 2019.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.