Stabilizohet tregu i metaleve të çmuara – Konflikti në Lindjen e Mesme e ka rritur arin me 9%

Tregu i metaleve të çmuara po qëndron në rënie në sesionin e sotëm, për shkak të tërheqjes së yield-it të obligacioneve amerikane, ndërsa investitorët po presin të dhënat mbi Prodhimin e Brendshëm Bruto në SHBA dhe zhvillimet në lidhje me Lindjen e Mesme. Kontrata “spot” për arin po tregtohet në rreth 1,970 dollarë për onz, ndërsa kontrata “futures” po tregtohet në rreth 1,985 dollarë për onz.

Argjendi po tregtohet në rreth 23 dollarë, ndërsa platini në rreth 895 dollarë për onz. Yield-i i obligacioneve 10-vjeçare amerikane zbriti sërish poshtë 5% në sesionin e së hënës. “Lidhja mes gjeopolitikës dhe arit theksohet shumë qartë nga çmimi i lartë i metalit të çmuar, pavarësisht yield-eve më të larta të obligacioneve,”, shprehen një analist.

Ari shihet si një investim i sigurt gjatë periudhave të krizave dhe është rritur me rreth 9% në dy javët e fundit për shkak të shqetësimeve të luftës, duke arritur nivelet më të larta të pesë muajve të fundit, më 20 tetor.

Tregjet po presin gjithashtu indeksin PMI, që do të publikohet më vonë gjatë ditës dhe shifrat mbi PBB-në për tremujorin e tretë në SHBA të enjten. Këto të dhëna do të japin një panoramë më të qartë mbi gjendjen e ekonomisë amerikane dhe do të përcaktojnë edhe politikat monetare që do të ndjekë Rezerva Federale.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.