Tatimet të “mbytura” në gjyqe, 2022 i gjeti me 1,592 padi – Vlera monetare e subjekteve debitore arrin në rreth 14,2 miliardë lekë

Administrata tatimore është ndër subjektet shtetërore më të padituara nëpër gjykata. Sipas Kontrolli të Lartë të Shtetit, i cili ka audituar gjatë muajve të fundit Drejtorinë e Përgjitëhshme të Tatimeve, rezulton se viti 2022 e ka gjetur këtë subjekt të mbërthyer në një numër shumë ta madh përplasjesh gjyqësore, veccanërisht me biznese të mëdha. Sipas KLSH, numri i subjekteve debitorë në proces gjyqësor rezulton 1,592, me një vlerë prej rreth 14,2 miliardë lekë të detyrimeve të papaguara. Krahasuar me një vit më parë, lista është shtuar me rreth 130 subjekte të reja, raporton KLSH, të cilat sjellin me vete një vlerë të detyrimeve të papaguara të ankimuara në gjykatë prej rreth 576 milion lekë, ose 5.5 milionë dollarësh më shumë.

Për sa i përket trendit të proceseve gjyqësore me vlerë më të madhe sipas rajoneve, situata paraqitet e ngjashme me një vit më parë, ku Rajoni Qendror rezulton me një vlerë të detyrimeve të ankimuara prej rreth 9,2 miliard  lekë afërisht 92 milionë dollarë për 1,142 subjekte, ndjekur nga DRT VIP me rreth 3,1 miliard lekë, afërisht 31 milionë dollarë për 96 subjekte.

Nga auditimi rezulton se, pavarësisht realizimit bruto të të ardhurve nga tatimet në masën 103.3 % kundrejt planit, të ardhurat tatimore neto paraqiten me mosrealizim për shumën 7,1 miliardë lekë, apo afërisht 71 milionë dollarë, ose janë arkëtuar më pak në masën 4.7 %, ku ndikim ka dhënë mosrealizimi i të ardhurave nga Tatimi mbi Vlerën e Shtuar, nga Taksat Kombëtare dhe Taksa e Qarkullimit Rrugor.

Sa për të sjellë një shembull, për vitin 2021 të ardhurat nga Tatimi mbi Vlerën e Shtuar, i cili është dhe kontribuesi kryesor në të ardhurat tatimore, në terma bruto u realizuan në shumën 54,4 miliardë lekë, ose në masën 93.4 % të planit, me një mosrealizim në shumën 3,8 miliardë lekë, afërisht 38 milionë dollarë.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.