Thatësira kërcënon rrugën kryesore tregtare lumore – Rënia e nivelit të lumit Rhine pritet të rrisë kostot e transportit dhe mallrave
Thatësira në Europë nuk po shkakton vetëm zjarre dhe rreziqe për sigurinë ushqimore, por po kërcënon edhe dërgesat e transportuara në lumenjtë e kontinentit, për shkak të rënies së nivelit të ujit. Lumi Rhine, një rrugë e rëndësishme tregtare që kalon përmes Gjermanisë përmes qyteteve europiane në portin e Roterdamit, është bërë më i cekët në pikat kritike. Javën e kaluar, uji në Kaub, një qytet rreth 50 milje në Perëndim të Frankfurtit, ku nivelet ndiqen nga afër, ra në nivelin më të ulët këtë vit.
Ndërsa nivelet e ujit ulen, kapaciteti i një anijeje zvogëlohet dhe kostot e transportit rriten. Kalimi në mënyra të tjera transporti është një opsion, por i shtrenjtë. Sipas llogaritjeve të ekspertëve, një anije rreth 135 metra e gjatë në këtë lumë mund të transportojë rreth 2.700 ton mallra. Për të transportuar të njëjtën ngarkesë në rrugë tokësore do të duheshin rreth 110 kamionë të mëdhenj.
Kostoja e transportit të një ton nafte që kalon nëpërmjet këtij lumi për në Karlsruhe në Gjermaninë jugperëndimore u dyfishua në rreth 50 euro midis majit dhe mesit të korrikut.
Rënia e niveleve të ujit mund të dëmojë ndjeshëm edhe prodhimin. Sipas një raporti, uji në lumin Rhine ra në nivele tepër të ulëta në vitin 2018 dhe transporti u tkurr me, çka ndikoi direkt në prodhimi industrial të Gjermanisë që ra me 1% atë vit.
Dorian Koça/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.