Tirana, qyteti i studentëve, profesionistëve e gjuhëve të huaja – Kryeqyteti që rritet çdo vit, përgjegjës për 53% e sipërmarrjeve të mëdha në Shqipëri

Me thuasje 1 milionë banorë me moshë mesatare rreth 36 vejçare, me rreth 80 mijë studentë çdo vit, me një fuqi punëtore mjaft të kualifikuar që shkëlqen me gjuhet e huaja, Tirana nuk është vetëm kryeqendra në çdo drejtim e Shqipërisë, por falë venndodhjes strategjike, një portë hyrëse për Evropën Juglindore.

Kjo pasi, Vendndodhja e Shqipërisë në qendër të udhëkryqit natyror të korridoreve të transportit evropian e vendos vendin në një pozicion gjeografik unik. Rreth 65% e totalit të të punësuarve janë në sektorin e shërbimeve, dhe afërsisht 25% në atë të prodhimit. Popullsia e Kryeqytetit, shtohet çdo vit me mbi 10 mijë banorë të rinj, në një kohë që pavarësisht zhvillimit të fortë të bregdetit, Tirana është përgjegjëse për rreth 80% të tregut të pasurive të paluajtëshme në vend. Tirana mbetet edhe Kryeqyteti me dëndësinë më të madhe të popullsisë, me 554 banorë për km katror.

Në qarkun e Tiranës shënohet përqendrimi mi i lartë i sipërmarrjeve të mëdha të Shqipërisë, por edhe i bizneseve të huaja që operojnë në vend. Në zonën e Kryeyeqytetit operojnë 53% e sipërmarrjeve të mëdha në Shqipëri. Nga ana tjetër, shërbimet janë mjaft të rëndësishme për ekonominë e Kryeqytetit, pasi 41% e sipërmarrjeve që operojnë në sektorin e shërbimeve në Shqipëri janë në këtë zonë. Në qarkun e Tiranës janë vendosur 32% e totalit të njësive ligjore aktive të regjistruara në Shqipëri, një e dhënë tjetër që nxjerr në pah rëndësinë e kësaj zone.

Ekonomia e Zonës Metropolitane të Tiranës përfiton ndjeshëm nga përqendrimi i universiteteve dhe shkollave më të mëdha të të gjitha niveleve dhe llojeve në vend si dhe instituteve të shumta kërkimore e shkencore. Tirana numëron rreth 180 institucione arsimore mes të cilave janë: Mjekësia, Drejtësia, Shkenca Ekonomike, Shkenca Inxhinierike dhe Shkenca Sociale.

Pozicioni shumë i privilegjuar nga Porti i Durrësit e bën gjithashtu Tiranën një prej qyteteve më të rëndësishëm të rajonit. Aktivitetet ekonomike të Shqipërisë po përqendrohen gjithnjë e më shumë në korridorin urban Tiranë – Durrës, ndodhen rreth 54% e ndërmarrjeve vendase, 65% e sipërmarrjeve të mëdha dhe 56% e sipërmarrjeve prodhuese/prodhuese.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.