Tiranë-Durrës me 4 korsi shtesë – Balluku: Autostradë e kategorisë A. Në dhjetor hapet gara koncesionare për Milot-Balldren

Autostrada Tiranë – Durrës do të shtohet me nga 2 korsi në secilin kah lëvizjeje, duke bërë që në total të arrihet në 8 korsi. Detajet u bënë me dije nga ministrja e Infrastrukturës dhe Energjisë, Belinda Balluku, gjatë diskutimit të buxhetit të investimeve për vitin që vjen në komisionet parlamentare.

Paralelisht, Balluku bëri me dije se në muajin dhjetor rihapet gara e koncesionit për aksin Milot – Balldren.

Ndërkaq, një projekt rrugor që pritet të sjellë lehtësim të trafikut është bypassi i Tiranës, për të cilin do të nisë buxhetimi në vitin 2024.

Ministrja foli edhe për ecurinë e një sërë projektesh të tjerë rrugorë, duke theksuar se Unaza e Madhe e Tiranës dorëzohet në fund të viti 2024. Sa i takon aksit Qukës – Qafë Plloçë loti I dhe II ka një vaancim të punimeve në masën 80% dhe 77 %, ndërsa loti III në masën 40%, duke parashikuar që hapja e plotë për qarkullimin e automjeteve do të bëhet në vitin 2025.

Ola Mitre/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.