Tregu monetar, i qëndrueshëm – Investitorët po presin inflacionin në SHBA për tetorin

Dollari amerikan po shfaqet i qëndrueshëm në sesionin e sotëm, pasi investitorët po presin të dhënat mbi inflacionin në SHBA, që mund të japë një panoramë më të qartë mbi vendimet që do të marrë Rezerva Federale në të ardhmen.

Në anën tjetër, jeni japonez vijon paqëndrueshmërinë, për shkak të rritjes së spekulimeve për ndërhyrjen e autoriteteve në tregun monetar. Fokusi i tregjeve tashmë është përqendruar te të dhënat mbi Indeksin e Çmimeve Konsumatore në SHBA, që do të publikohen të martën dhe do të jenë vendimtare në politikën monetare që do të ndjekë Rezerva Federale.

Javën e kaluar, presidenti i bankës qendrore amerikane, Jerome Powell, deklaroi se beteja me inflacionin nuk ka përfunduar ende, duke nënkuptuar se mund të ketë edhe një tjetër rritje të interesave në muajt në vijim.

Edhe të dhënat mbi shitjet me pakicë do të japin më shumë informacion mbi gjenden e kërkesës në ekonominë amerikane, e cila ka treguar shenja elasticiteti përballë rritjes së kostos së huamarrjes.

Për këto arsye, analistët mendojnë se dollari amerikan do të vijojë të qëndrojë në pozita të forta përballë shportës me monedhat kryesore ndërkombëtare. Banka britanike, pret që inflacioni bazë të mbetet i pandryshuar gjatë tetorit, krahasuar me shtatorin, ndërsa presionet deflacioniste mund të vijnë vetën më shkurt të vitit të ardhshëm.

Ndërkohë, në lidhje me vendimin e Agjencisë së Vlerësimit të Kreditit, Moody’s për të zhvlerësuar në këndvështrim “negativ” ekonominë amerikane, reagimi i tregjeve ishte minimal. Indeksi që mat ecurinë e dollarit amerikan, përballë shportës me 6 monedhat kryesore ndërkombëtare po qëndron në rreth 105.8, pak a shumë në të njëjtat nivele që e mbylli ditën e premte.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.