Trenat turistikë “debutojnë” në Itali – Udhëtimet nisin në 15 dhjetor. Më shumë lidhje mes Romës dhe Milanos

Nis rrugëtimi i “Trenave Turistikë Italianë”, nëpërmjet kompanisë së re të grupit Frecciarossa dedikuar turizmit të qëndrueshëm e prezantuar korrikun e kaluar në Napoli. Nga 15 dhjetori do të kryhen udhëtime midis Romës dhe Cortina d’Ampezzo në bordin e trenit të ri të natës ‘Espresso Cadore’. Një shërbim i shumëpritur, i cili synon të tërheqë gjithnjë e më shumë turistë duke i inkurajuar ata të zgjedhin trenat e natës për pushimet e tyre. Lidhja Romë-Cortina do të jetë aktive gjatë të gjitha fundjavave ndërmjet 15 dhjetor 2023 dhe 25 shkurt 2024, me disa udhëtime shtesë gjatë periudhës së Krishtlindjes, 18 dhjetor – 3 janar.

Udhëtimi i natës për të arritur në perlën e Dolomiteve përfshin nisjen nga stacioni Roma Termini në 21:40 dhe mbërritjen në Calalzo në 7:57 të mëngjesit. Nga këtu, një shërbim autobusi që niset direkt nga zona e stacionit do niset për në qendër të Cortina d’Ampezzo brenda 50 minutash. Hyrja në bord do të lejohet deri në 40 minuta para nisjes, në mënyrë që të mund t’i dorëzohet bagazhi personelit, duke përfshirë çdo pajisje sportive, e cila do të vendoset në një karrocë të veçantë.

Espresso Cadore është ndër risitë kryesore të Eksperiencës së Dimrit 2023 që Trenitalia, kompania lider e qendrës së pasagjerëve të Grupit FS, prezantoi në Stacionin Qendror të Milanos. Orari dimëror i FS Group, me lidhje të reja me destinacionet turistike të skive dhe maleve, plus zgjidhje të integruara udhëtimi me tren, autobus dhe avion dhe promovime ad hoc për familjet dhe të rinjtë, do të nisë nga 10 dhjetori. Espresso del Cadore është një riinterpretim modern i trenave klasikë të natës ‘Intercity’, me kabina teke dhe dyshe, të pajisura gjithashtu me tavolinë dhe divan, ose shtretër, restorant dhe bar i hapur për të gjithë shërbimin dhe mëngjesin.

Me programin e ri dimëror të Trenitalia, intensifikohen udhëtimet me Frecciarossa. Çdo ditë planifikohen mbi 270 lidhje për 130 mijë vende të ofruara dhe arrihen më shumë se 120 destinacione. Nga 22 dhjetori do të ketë dy lidhje të reja pa ndalesë Frecciarossa midis Milanos dhe Romës, të lidhura në 2 orë e 50 minuta.

Gjithashtu për këtë sezon dimëror janë konfirmuar deri në 32 trena në ditë midis Torinos dhe pistës së skive Bardonecchia. Trenitalia dhe të gjitha kompanitë në qendrën e pasagjerëve po investojnë në trenat dhe autobusët e gjeneratës së fundit për të siguruar një udhëtim edhe më të rehatshëm dhe miqësor ndaj mjedisit. Vlerësohet se do të investohen mbi 1 miliard euro në vit për transportin rajonal dhe, në 3 vitet e ardhshme, trenat do të rinovohen pothuajse plotësisht.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.