Udhëtoni me tren, jo me avion! – BE miraton kërkesën e Francës. Ndalon fluturimet e shkurtra
Bashkimi Europian ka miratuar kërkesën e Francës për anulimin e tre itenerareve me rreze të shkurtër për sa i përket fluturimeve, për të kursyer emetimet e dioksidit të karbonit. Udhëtarëve do iu vihet në dispozicion një shërbim transporti hekurudhor i përshtatshëm. Vendimi ekzekutiv u publikua në gazetën europiane, pasi në dhjetor të vitit 2021, komisioni europian kishte shprehur rezerva për sa i përket manipulimeve të konkurencës. Sipas Francës, vendimi do të sjellë një kursim prej 55 mijë ton emetimesh.
Gjithsesi, komisioni europian shpjegoi se iniciativa e Francës nuk mund të përfshijë itenerare të tjera përvec atyre të listuara në vendim: Orli’ – Bordo, Orli’ – Nantes dhe Orli’- Lion. Në vendim lexohet se pasojat negative të cdo kufizimi të të drejtave të trafikut mbi qytetarët dhe mbi lidhjen e europianëve duhet të kompensohen nga vendosja në dispozicion e mjeteve alternative të transportit, me çmime të pranueshme, që të jenë të përballueshme dhe në mbështetje të klimës.
Më shumë se 65 milionë francezë do të duhet të përshtaten me rregullat e reja, dhe pse fillimisht ishin propozuar tetë itenerare në vend të tre që u miratuan nga komisioni europian. Në vitin 2021 deputetët francezë votuan për të ndaluar fluturimet kombëtare me rreze të shkurtër në momentin që kishte në dispozicion një linjë hekurudhore alternative prej dy orësh e gjysëm ose më pak.
Sipas vendimit të komisionit europian udhëtimi me tren duhet të garantojë patjetër të njëjtin itenerar me atë ajror, ora të njëjtën lidhje mes dy qyteteve. Kjo lidhje duhet të jetë e sigurtë disa herë në ditë, me mundësi vajtje dhe ardhje dhe oraret duhet të jenë të përshtatshme për pasagjerët.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.