Ulje e taksave për çipat dhe batëritë – Japonia synon prodhimin në vend të këtyre materialeve për makinat elektrike
Japonia planifikon të ulë taksat për bateritë dhe gjysmëpërçuesit e automjeteve elektrike që prodhohen në vend duke nisur nga prilli 2024, me qëllim për të rritur sigurinë e saj ekonomike.
Nëpërmjet kësaj mase, do të ndiqen politika të ngjashme industriale si në Shtetet e Bashkuara të Amerikës dhe Bashkimin Europian, që synojnë inkurajimin e kompanive për të mos qenë të varur nga Kina duke i prodhuar këto material në vend çka do të lehtësonte edhe tranzicionin energjetik të vendit.
Për vitin 2024, Ministria e Ekonomisë, Tregtisë dhe Industrisë do të propozojë uljen e taksave për kompanitë që prodhojnë artikuj me rëndësi strategjike në Japoni.
Ashtu si Akti i Reduktimit të Inflacionit të SHBA-së, skema e planifikuar do të reduktonte taksat e korporatave bazuar në prodhimin e baterive dhe çipave. Ministria do të hartojë specifikat duke përfshirë pikat e zbatueshme deri në fund të këtij viti.
Qeveria japoneze rishikon kodin e saj tatimor çdo pranverë, pasi koalicioni qeverisës bie dakord politikisht mbi draftin dhe vendos kursin e përgjithshëm në dhjetor.
Për të siguruar zinxhirët e furnizimit për mallrat strategjike, Japonia ka miratuar subvencione miliarda dollarësh për prodhuesit e çipave nga Tajvani për të ndërtuar impiante në Japoni, ndërkohë që ka miratuar Aktin e Promovimit të Sigurisë Ekonomike vitin e kaluar.
Dorian Koça/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.