Valë e re e rritjes së çmimeve nga lufta në Izrael – Ramabaja: Nafta dhe energjia më të prekshmet, qytetarët janë humbësit

Lufta në Izrael pritet të japë një reaksion zinxhir që do të ketë pasoja jo vetëm në Ballkanin Perëndimor si rajon, por edhe në Shqipëri, sa i takon rritjes së çmimeve të mallrave të ndryshme.

Në një intervistë për emisionin “SCAN Live”, Drejtori i Institutit Shqiptar për Gjeopolitikë, Sadri Ramabaja shprehet se më të prekshmet do të jenë karburantet dhe energjia elektrike.

Referuar të dhënave zyrtare, shkëmbimet tregtare midis Shqipërisë dhe Izraelit,  për vitin 2022 kanë qenë 57 milionë euro.  Ndërsa në 6 muajt e parë të 2023-shit, regjistrohen në 21 milionë euro.

Në Shqipëri operojnë rreth 105 kompani izraelite. Sa i takon fluksit të turistëve, rezulton se për periudhën janar-gusht të këtij viti, vendi ynë është vizituar nga 8.673 turistë izraelitë.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.