Varfëria në Itali shënon një nivel të ri rekord – Pavarësisht rimëkëmbjes ekonomike, rritet numri i të varfërve
Numri i njerëzve që jetojnë në varfëri në Itali u rrit në vitin 2023 në nivelin e tij më të lartë në rreth një dekadë, pavarësisht një rikthimi ekonomik që nga lehtësimi i kufizimeve të lidhura me COVID.
Ata që jetonin në ‘varfëri absolute’ – të cilët nuk ishin në gjendje të blinin mallra dhe shërbime thelbësore – u rritën në 5.75 milionë, ose 9.8% për qind e popullsisë, raportoi byroja kombëtare e statistikave ISTAT. Kjo është rritur pak nga 9.7% në 2022-shin dhe më e larta që nga fillimi i serisë aktuale të të dhënave në 2014.
Ekonomia e Italisë është rikuperuar më fuqishëm nga një recesion i shkaktuar nga COVID 2020-21 sesa fqinjët si Gjermania dhe Franca, me një rritje shoqëruese të punësimit, por raporti ISTAT tregoi se rimëkëmbja ka bërë pak për të ndihmuar më të varfërit në vend.
Përqindja e atyre në varfëri absolute ishte 9.1% në 2020-ën dhe 9.0% në 2021-shin, në kulmin e pandemisë, kur ndikimi i recesionit te familjet u kompensua pjesërisht nga masat e shumta mbështetëse së qeverisë.
ISTAT e përkufizon varfërinë absolute si gjendjen e atyre që nuk mund të blejnë mallra dhe shërbime të nevojshme për një standard të pranueshëm jetese, që siguron që ata të mos jenë të kufizuar në margjinat e shoqërisë.
Me përjashtim të një rënieje në vitin 2019, varfëria është rritur në mënyrë të qëndrueshme nga 6.9% në 2014-ën, kur filloi regjistrimi i të dhënave të ISTAT. Vitin e kaluar, qeveria e krahut të djathtë të Giorgia Melonit filloi të heqë gradualisht një subvencion për lehtësimin e varfërisë me të ardhurat e qytetarëve, të prezantuar në 2019-ën, duke injoruar paralajmërimet nga disa ekonomistë dhe Banka e Italisë për ndikiminin tek të varfërit.
Skema, për të cilën ISTAT tha se ndihmoi rreth një milion familje të dilnin nga varfëria në vitin 2019, u anulua krejtësisht që nga fillimi i këtij viti dhe u zëvendësua nga një subvencion i kufizuar që synonte kryesisht ata fizikisht të paaftë për të punuar.
Të ndarë sipas rajoneve, ata në varfëri absolute vitin e kaluar ishin 9% në veri, 8% në qendër dhe 12.1% në jugun historikisht më të varfër. Ndërsa nivelet e varfërisë në vitin 2023 u rritën në veri dhe qendër krahasuar me një vit më parë, në jug pësuan ulje.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.