Zerimi i emetimeve nga karburantet fosile – Planet e kompanive, kryesisht të pakuptimta. Nuk arrihen objektivat!

Numri i kompanive të karburanteve fosile që vendosin objektiva të emetimeve zero është rritur ndjeshëm gjatë vitit të kaluar, por shumica nuk arrijnë të adresojnë shqetësimet kryesore, duke i bërë ato kryesisht të pakuptimta. Ky është përfundimi i raportit më të fundit për këtë temë.

Rreth 75 nga 112 kompanitë më të mëdha në botë të karburanteve fosile janë angazhuar për të arritur emetimet zero – pikën në të cilën emetimet e gazeve serë ‘zhduken’ nga reduktimet e thella të prodhimit, apo metodat për të absorbuar dioksidin e karbonit atmosferik.

Kjo është rritur nga vetëm 51 një vit më parë, sipas vlerësimit të të dhënave të disponueshme publikisht nga ‘Net Zero Tracker’, i drejtuar pjesërisht nga ‘Njësia e Inteligjencës për Energjinë dhe Klimën me qendër në Britani dhe Universitetin e Oksfordit.

Por shumica e objektivave nuk mbulojnë plotësisht ose nuk i mungon transparenca mbi emetimet e Fushës 3 – të cilat përfshijnë përdorimin e produkteve të një kompanie, burimin më të madh të emetimeve për kompanitë e karburanteve fosile – ose nuk përfshijnë plane afatshkurtëra të reduktimit, shtoi raporti.

Kjo i bën këto plane kryesisht të pakuptimta. Raporti zbuloi gjithashtu se asnjë nga kompanitë e karburanteve fosile nuk po angazhohej si duhej për t’u larguar nga nxjerrja ose prodhimi i karburanteve fosile.

Rreth 4 mijë vende, shtete, rajone, qytete dhe kompani në mbarë botën aktualisht janë angazhuar për emetime – zero. Nëntorin e kaluar, OKB-ja publikoi ​​udhëzime se si duhet të duket një strategji ‘e mirë’ për arritjen e emetimeve zero.

Një studim i publikuar javën e kaluar në revistën ‘Science’ zbuloi se rreth 90% e objektivave zero – emetime të vendeve nuk kishte gjasa të realizoheshin.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.