Zhduken prodhimet bio në Gjermani – Për herë të parë tregu pëson tkurrje për shkak të çmimeve të larta
Në Gjermani konsumatorët duket se blejnë gjithnjë e më pak prodhime biologjike, ose i blejnë vetëm në supermarkete normale kur janë në ofertë. Moda e dyqaneve biologjike duket se ka përfunduar.
Raporti i tregut i shoqatës gjermane të agrokulturës konfirmon se tregu biologjik në vend është reduktuar për herë të parë në historinë e tij në vitin 2022. Në fund të muajit tetor, për shembull, shitjet organike në Gjermani janë reduktuar me 4.1%. Sipas ekspertëve arsyeja kryesore e kësaj situare është rritja e shpejtë e cmimeve edhe për shkak të inflacionit. Gjatë pandemisë ushqimi biologjik regjistroi rekorde në konsum, por aktualisht është në rënie të lirë.
Komisioni europian nga ana e tij vazhdon të mbështesë agrokulturën dhe praktikat që nuk dëmtojnë klimën, ambientin dhe mirëqënien e kafshëve.
Investimet e Bashkimit Europian në këtë fushë janë të konsiderueshme:
28 milion euro për të stimuluar kërkesën për prodhime biologjike; 36 milion euro për promovimin e agrokulturës pro klimës dhe 19 milion euro për promovimin e frutave dhe perimeve të freskëta.
Objektivi i marrëveshjes së gjelbër europiane për agrokulturën është sigurimi i të paktën 25% të terreneve për agrokulturën në BE, të kultivuara biologjikisht brenda vitit 2030.
Por sipas kritikëve, deri tani bashkimi ebropian ka mbështetur vetëm sipërmarrjet e mëdha të sektorit dhe ato më të voglat janë braktisur duke mos arritur të ruajnë cmimet konkuruese për prodhimet e tyre. Në këtë mënyrë përfunduan jashtë listës së blerjeve të konsumatorëve gjermanë.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.