10 miliardë euro kundër inflacionit – Spanja prezanton paketën e re të ndihmës financiare

Spanja prezantoi paketën e re të ndihmës financiare prej 10 miliardë eurosh për të lehtësuar pasojat e inflacionit, duke shënuar kështu planin e tretë të madh të këtij viti, ndërsa ndihma totale ka arritur në 45 miliard euro që nga fillimi i vitit 2022.  Spanja, njësoj si vendet e tjera evropiane, është përballur prej muajsh me një krizë të kostos së jetesës që u përkeqësua dhe më shumë nga ndikimi i luftës në Ukrainë sidomos pëe sa i përket cmimeve të larta të energjisë.

Paketa e rradhës përfshin një bonus të vetëm prej 200 euro për rreth 4.2 milionë familje me të ardhura vjetore deri në 27 mijë euro si dhe zgjatjen e reduktimit të taksave për faturat e energjisë në gjysmën e parë të vitit të ardhshëm.

Paketa pason masa të njëjta të marra në muajin mars dhe qershosh që përfshinin ndihmë direkte, ulje taksash, kredi të buta dhe kontrolle të qirave. Masat së bashku me një marrëveshje të negociuar me Bashkimin Evropian për të vendosur një kufi në cmimet e gazit për prodhimin e energjisë elektrike, kanë pasur një farë suksesi. Inflacioni për 12 muajt e fundit u ngadalësua në 6.7% në nëntor. Kjo është dhe norma më e ulët e regjistruar në bllokun e 27 vendeve anëtare të BE-së.

Ngadalësimi i imflacionit është ndihmuar nga rënia e mprehtë e cmimit të energjisë elektrike, që u ul me 22.4% nga një vit më parë në nëntor. Por gjithësesi cmimet e ushqimeve kanë vazhduar të godasin portofolet e spanjollëve duke shënuar një rritje me 15% gjatë muajit tetor dhe nëntor krahasuar me një vit më parë.

Qeveria spanjolle e kryeministrit Pedro Sanchez deklaroi se do të ulët tatimin mbi vlerën e shtuar për ushqimet thelbësore si buka, djathi, qumështi, perimet , frutat dhe drithërat në )5 nga 4%. Makarinat dhe vajrat e gatimit do të kenë një përgjysmim të TVSH-së deri në 5%.

Sanchez njoftoi gjithashtu zgjatje 12-mujore të subvencioneve për udhëtimet me tren për udhëtarët dhe kufizimet në rritjen e qirave. Megjithatë, zbritja e çmimit të benzinës për konsumatorët përveç sektorit të transportit do të ndërpritet. Ai tha se ndihma e ofruar deri më tani kishte ndihmuar Spanjën të regjistronte rritje të fortë ekonomike këtë vit, të cilën ai e vendosi në 5%, mbi parashikimin e mëparshëm të qeverisë prej 4.4%.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.