2022, “viti i zi” i miliarderëve amerikanë – Regjistrohen humbje prej 433 miliardë dollarë

Miliarderët amerikanë të teknologjisë së lartë janë varfëruar gjatë vitit 2022, dhe në total kanë humbur një shifër prej 423 miliard dollarësh. Uashington Post ka bërë llogaritë tyre duke detajuar humbjet. Elon Musk, ka humbur 132 miliardë dollarë për shkak të rënies së aksioneve të Tesla-s. Por pavarësisht kësaj pasuria e tij vlen 139 miliardë dollarë. Jeff Bezos, ka djegur 84.1 miliardë dollarë, pas një rënieje prej 50% të aksioneve të Amazon. Por dhe pse më i varfër, Bezos vazhdon të vlejë 108 miliardë dollarë.

Mark Zuckeberg ka humbur 80.7 miliardë dollarë duke rrëshkitur nga vendi i gjashtë i më të pasurve në botë në vendin e 25, me një pasuri prej vetëm 44.8 miliard dollarë.

Më të varfër janë dhe dy themeluesit e Google: Larry Page dhe Sergey Brin kanë humbur në total 88 miliardë dollarë dhe aktualisht vlejnë pak më shumë se 80 miliardë dollarë secili.

Nuk shkojnë më mirë punët për Bill Gates: themeluesi i Microsoft ka humbur 28.7 miliardë dollarë, dhe pasuria e tij aktuale është e barabartë me 109 miliardë dollarë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.