48% më shumë buxhet për investimet e Mbrojtjes – Peleshi: Bazë e re ushtarake në Porto Romano, prioritet mbrojtja e infrastrukturave kritike

Buxheti i Ministrisë së Mbrojtes do të pësojë rritje të ndjehsme gjatë vitit 2024, duke arritur në 48.3 mld lekë, nga rreth 39 mld lekë që ishte për vitin 2023.

Gjatë prezantimit në Komisionin për Sigurinë Kombëtare, ministri Niko Peleshi tha se për herë të parë kjo rritje plotëson angazhimin e NATO-s që buxheti për këtë sektor të jetë sa 2% e Prodhimit të Brendshëm Bruto.

Buxheti për investime parashikohet të pësojë rritje me 48% vitin që vjen, ndërkohë që një prej investimeve te reja është ngritja e bazës ushtarake detare në portin ushtarak të Porto Romanos, që mundëson edhe lidhjen me korridorin VIII.

Paralelisht, Peleshi prezantoi edhe 2 politikat kryesore për mbrojtjen e infrastrukturave kritike ushtarake dhe civile, si dhe për mbrojtjen nga kërcënimet kibernetike në rritje.

Sipas Peleshit, aktualisht është duke u finalizuar edhe strategjia e re e sigurisë komëbtare.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.