7% e të punësuarve në BE punuan jashtë orarit – Eurostat: Zakonisht 49 ose më shumë orë në javë në vitin 2022!
Në vitin 2022, 7% e punonjësve në Bashikimin Europian kanë punuar jashtë orarit në punën e tyre kryesore, zakonisht 49 ose më shumë orë në javë, sipas të dhënave të konfirmuara nga Eurostat.
Më shumë se 30 për qind e të vetëpunësuarve punonin jashtë orarit, që është dukshëm më shumë se kategoria e të punësuarve, në të cilën 4 për qind e njerëzve punonin jashtë orarit, sipas një sondazhi të publikuar së fundmi.
Punëtorët e kualifikuar në bujqësi, pylltari dhe peshkim, 28 për qind e tyre, si dhe menaxherët – 24 për qind, punonin shumë më tepër jashtë orarit krahasuar me të gjitha grupet e tjera të mëdha të punonjësve, ku mesatarisht më pak se 8 për qind e të punësuarve punonin jashtë orarit.
Në vendet anëtare të Bashkimit Europian, Greqia kishte përqindjen më të lartë të punëtorëve me orar të zgjatur – 13%, e ndjekur nga Franca dhe Qiproja, secila nga 10%. Ndërkohë, normat më të ulëta janë shënuar në Bullgari, Lituani dhe Letoni secila nga 1%.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.