7 në 10 familje britanike të frikësuara nga kosto e jetesës – 72% e tyre presin të goditen rëndë nga kriza aktuale

Rreth 72% e familjeve në Mbretërinë e Bashkuar kanë frikë se do të preken rëndë ose mesatarisht nga kriza e kostos së jetesës në pjesën e parë të vitit 2023, nga 54% në fund të vitit të kaluar. Rezultati është publikuar duke u mbështetur në të dhënat e sondazhit nga studiuesi i tregut NielsenIQ.

Pas një viti të vështirë 2022, konsumatorët britanikë po përballen me një shtrëngim edhe më të fortë në financat e tyre këtë vit. Inflacioni po shkon në 10.5%, normat e hipotekave po rriten dhe qeveria po redukton mbështetjen për faturat e energjisë të familjeve.

NielsenIQ tha se shitjet e produkteve ushqimore në Mbretërinë e Bashkuar mbi bazën e vlerës u rritën 7.6% në katër javët deri më 28 janar, për shkak të një rritjeje të inflacionit të çmimeve të ushqimeve në 13.8%. Megjithatë, vëllimi i shitjeve ra në 6.9% – rritja më e ulët e volumit e regjistruar në më shumë se nëntë muaj, e cila pasqyron shqetësimin që blerësit kanë për rritjen e kostos së jetesës.

NielsenIQ theksoi se pjesa në internet e të gjitha shitjeve të FMCG – mallrave të konsumit me lëvizje të shpejtë – ishte 11.1%, e ngjashme me pjesën e fundit të 2022.

Sondazhet nga Konsorciumi Britanik i Shitjes me Pakicë dhe Barclays treguan se shpenzimet u ngadalësuan në janar, por tabloja e përgjithshme dukej pak më e ndritshme pasi konsumatorët e trajtuan veten me udhëtime, kinema dhe rezervime pushimesh.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.