Prodhuesi i automjeteve elektrike Lucid shet aksionet – Siguron 1.5 miliardë dollarë nga fondi publik i pasurisë saudite dhe investitorë të tjerë

Prodhuesi i automjeteve elektrike Lucid Group tha se ka përfunduar një ofertë të planifikuar të kapitalit prej 1.5 miliardë dollarësh. Kompania njoftoi për herë të parë ofertën në nëntor, kur raportoi rezultatet e tremujorit të tretë.

Lucid grumbulloi pjesën më të madhe të parave të gatshme, rreth 915 milionë dollarë, nëpërmjet një shitjeje private prej afro 86 milionë aksionesh te një filial i investitorit të tij më të madh, Fondit të Investimeve Publike të Arabisë Saudite. Pjesa e mbetur prej 600 milionë dollarësh u mblodh nëpërmjet një oferte tradicionale dytësore të aksioneve, në të cilën Lucid shiti 56 milionë aksione shtesë.

Raundi i financimit u strukturua për të mbajtur aksionet e fondit të pasurisë publike saudite në Lucid në nivelin e tij të mëparshëm, rreth 62%.

Lucid planifikon të përdorë të ardhurat për të “forcuar më tej pozicionin e bilancit dhe likuiditetit”, tha kompania në një deklaratë.

Lucid kishte rreth 3.85 miliardë dollarë para të gatshme që nga 30 shtatori, raporti i tij më i fundit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.