Konsumatorët gjermanë presin rritje – Nuk parashikohet një rimëkëmbje e plotë në periudhë afatshkurtër

Ndjeshmëria e konsumatorit gjerman pritet të rritet në prill pasi çmimet e energjisë janë zbutur disi nga nivelet rekord, megjithëse një rimëkëmbje e plotë nuk është në horizont së shpejti, tregoi një sondazh i institutit GfK. Instituti parashikoi se indeksi i tij do të përmirësohej në -29.5 në prill, nga një lexim i rishikuar prej -30.6 në mars.

Leximi i prillit, në rritje për muajin e gjashtë me radhë, tregon se ndjenja është në rrugën e saj drejt rimëkëmbjes, por ritmi i rritjes është ngadalësuar ndjeshëm krahasuar me muajt e mëparshëm.

“Humbja e parashikuar e fuqisë blerëse po parandalon një rikuperim të qëndrueshëm të kërkesës së brendshme,” tha eksperti i konsumatorëve të GfK, Rolf Buerkl, që do të thotë se konsumi privat nuk ka gjasa të kontribuojë në ekonominë gjermane në një mënyrë pozitive këtë vit.

Kjo tregohet edhe nga niveli ende shumë i ulët i besimit të konsumatorëve. Sipas tij, perspektiva e të ardhurave po përfiton aktualisht nga çmimet dukshëm më të ulëta për energjinë, veçanërisht për benzinën dhe karburantin për ngrohje, megjithatë inflacioni do të mbetet i lartë.

Treguesi i ndjenjës së konsumatorit parashikon zhvillimin e konsumit real privat në muajin në vijim. Një tregues mbi zero sinjalizon rritje në bazë vjetore në konsumin privat. Një vlerë nën zero tregon një rënie krahasuar me të njëjtën periudhë të një viti më parë.

Dorina Kurtaj/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.