Themeluesi i Temu, më i pasuri i Kinës – Pasuria e tij shkon mbi 48 miliardë dollarë

Kristi Ceta/SCAN

 

Colin Huang, 44 vjeç, është bërë personi më i pasur i Kinës. Me një pasuri prej 48,6 miliardë dollarësh, ai ka rrëzuar nga froni Zhong Shanshan, kreun e kompanisë së ujit, i cili ka mbajtur vendin e parë që nga prilli 2021.

Ish-inxhinieri i Google krijoi Pinduoduo, një platformë tregtare e njohur për shitjen e produkteve të lira me promovime masive, në vitin 2015. Ai shpejt u ngjit në radhët e njerëzve më të pasur në botë, me vlerën e tij neto që arrin kulmin në 71.5 miliardë dollarë në fillim të vitit 2021. Por pasuria e tij u shemb po aq shpejt sa u krijua, duke rënë 87% në harkun kohor të një viti. Rënia e Huang ishte veçanërisht e mprehtë pasi ngadalësimi i pandemisë globale përkoi me goditjen e menjëhershme në Kinë ndaj sektorit privat.

Megjithatë, kompania PDD Holdings Inc e Huang organizoi një rikthim, me zgjerimin jashtë Kinës nën emrin e markës Temu. Ai ka qëndruar jashtë vëmendjes pasi dha dorëheqjen si shef ekzekutiv i PDD në 2020 dhe u largua nga bordi si kryetar në 2021, pasi Pekini filloi të godasë gjigantët e teknologjisë të Kinës.

Por Temu, platforma e PDD jashtë Kinës, forcoi linjën kryesore të kompanisë, duke u ngjitur në krye të listave të dyqaneve në SHBA me lançimin në shtator 2022, duke synuar amerikanët e lodhur nga inflacioni, me produkte të lira dhe pa marka, të dërguara direkt nga Kina. PDD raportoi rreth 248 miliardë juanë të ardhura vitin e kaluar, një rritje prej 90% nga viti 2022. Kompania aktualisht përfiton nga një boshllëk tregtar që lejon dërgesat pa doganë deri në 800 dollarë në SHBA. Lobistët po bëjnë presion që pragu të ulet në 10 dollarë.

Huang është gjithashtu manjati i parë i teknologjisë që kryeson renditjen e pasurisë në më shumë se tre vjet.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.