Adriana Berberi rikonfirmohet te Konkurrenca –  Do të jetë edhe për një mandat 5-vjeçar anëtare e Komisionit

Adriana Berberi do të jetë anëtare e Komisionit të Konkurrencës edhe për një mandat 5-vjeçar. Në seancën e fundit plenare, Kuvendi i Shqipërisë votoi për Berberin, pas propozimit të një grupi prej 28 deputetësh të shumicës parlamentare.

Berberit, e cila ka një karrierë profesionale 38 vjeçare në fusha dhe sektorë të rëndësishëm të ekonomisë shqiptare, i përfundonte mandati i parë në këtë post më 25 janar 2023. Sipas ligjit, anëtari i Komisionit të Konkurrencës ka të drejtën e zgjedhjes për jo më shumë se dy mandate.

Një anëtar propozohet nga Presidenti i Republikës, një tjetër nga Këshilli i Ministrave dhe dy anëtarë propozohen nga Kuvendi. Aktualisht, Komisioni I Konkurrencës përbëhet nga kryetari Denar Biba, zv/kryetare dhe anëtare, Leida Matja, si dhe anëtarët e tjerë Rezana Konomi Perolla, Adriana Berberi dhe Durim Kraja.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.