Aktiviteti i paligjshëm i kriptove, lidhje me terrorizmin – Mbi 60%, pjesë e grupeve të sanksionuara, ose në listën e zezë

Sipas një raporti të publikuar së fundmi nga “Chainalysis”, subjektet e sanksionuara, si ato të lidhura me grupet e hakerëve të Koresë së Veriut dhe organizatat terroriste të përcaktuara nga SHBA, si Hezbollahu i Libanit, vazhdojnë të mbështeten në kriptovalutat për mbledhjen e fondeve.

Raporti “Crypto Crime 2024” i firmës amerikane të analizës së blockchain zbuloi se 24.2 miliardë dollarë kriptovaluta të paligjshme u transferuan në vitin 2023, bazuar në portofolët e paligjshëm të kriptove. Chainalysis përditëson në mënyrë retroaktive shifrat e saj vjetore të kriptove kur dalin në skenë portofolët e rinj të paligjshme.

Ndërsa shifrat e vitit të kaluar aktualisht përfaqësojnë një rënie, Chainalysis vuri në dukje se një përqindje shumë më e lartë e fondeve iu atribuoheshin marrësve të sanksionuar ose të lidhur me terroristët, duke përbërë rreth 61.5% të vëllimit total të transaksioneve të paligjshme në 2023-shin.

Subjektet si ‘përzierësi’ i kriptove Tornado Cash dhe Garantex morën pjesën më të rëndësishme të fondeve të paligjshme në vitin 2023. Tornado Cash u sanksionua në gusht 2022 për rolin e tij në pastrimin e kriptove të vjedhura nga organizata e hakerëve të Koresë së Veriut, Lazarus Group. Shkëmbimi me bazë në Rusi Garantex u sanksionua në prill 2022 për lidhjen e tij me aktorë të paligjshëm, duke përfshirë grupet e ‘ransomëare’.

‘Përzierësit’ e kriptove janë softuer që errësojnë historinë dhe origjinën e aseteve dixhitale të dërguara përmes tyre.

Sasia e kriptove të transferuara tek subjektet e sanksionuara është rritur në vitet e fundit së bashku me një pjesë më të madhe të kufizimeve të reja.

Në vitin 2023, lista e sanksioneve të Zyrës së Kontrollit të Pasurive të Huaja të SHBA-së vendosi gjithsej 18 sanksione të reja ndaj individëve dhe subjekteve, duke përfshirë portofolet e tyre të lidhura me kripto.

Të paktën nëntë nga sanksionet e reja ishin kundër individëve dhe subjekteve në të gjithë Kinën dhe Amerikën Latine për rolin e tyre të dyshuar në prodhimin dhe trafikimin e fentanilit. Ndërkohë, pesë nga sanksionet kishin në shënjestër subjektet që mendohej se kishin shkelur sanksionet ndaj Koresë së Veriut.

Marrësi kryesor i kriptove i shtuar në listën e sanksioneve vitin e kaluar ishte Sinbad.io – një ‘përzierës’ bitcoin që u mbyll në nëntor të 2023 – i cili mori 665.4 milionë dollarë kripto nga Grupi Lazarus.

Megjithatë, sanksionet kanë treguar aftësinë për të ngadalësuar rrjedhën e fondeve kripto drejt objektivave të tyre. Flukset hyrëse mujore të Tornado Cash ranë deri në 93% menjëherë pas vendosjes së tij në listën e SHBA, sipas Chainalysis. Edhe pse firma vuri në dukje flukset hyrëse u rikthyen ngadalë.

Nga vendet e sanksionuara, Irani ishte një përfitues kryesor i fondeve të paligjshme, me 73.3% të flukseve hyrëse që vinin nga shkëmbimet kryesore ndërkombëtare që tregojnë se shërbimet mund të përdoren për të përmbysur sanksionet.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.