Automjetet do të “ushqehen” nga copat e drurit – Transformimi në grafit sintetik mund të përdoret në bateritë

Një kompani në Zelandën e Re po i kthen copat e drurit të hedhura në grafit sintetik që mund të përdoret në bateritë e automjeteve elektrike. “CarbonScape” arrin të kryejë këtë transformim duke ngrohur nënproduktet nga industria pyjore dhe duke përdorur një proces të quajtur grafitizimi termo-katalitik. Kjo prodhon qymyr druri, i cili mund të katalizohet dhe pastrohet në grafit me cilësi anode të baterisë.

Kompania thotë se grafiti i tyre alternativ është një opsion më i qëndrueshëm dhe mund të ndihmojë Europën të zvogëlojë varësinë e saj nga Kina për bateritë litium-jon. Çelësi i grafitit për prodhimin e baterive të automjeteve elektrike aktualisht është me burim nga grafiti natyror i minuar ose grafiti sintetik që rrjedh nga produktet e naftës.

Grafiti natyral i minuar mund të shkaktojë dëme të rënda për komunitetet, kafshët apo mjedisin dhe proceset e nxjerrjes dhe prodhimit që kërkohen për të ofruar një ton të vetëm grafit të shkallës anodë nga kjo lëndë e parë, lë një gjurmë karboni prej 15 tonësh.

Grafiti sintetik, në vend të kësaj, krijohet nga nënproduktet e pylltarisë, të tilla si copat e drurit. Valencia përdor shtylla llambash për të karikuar automjetet elektrike në përpjekje për t’u bërë neutrale ndaj karbonit. Prodhimi i tij mund të bëhet gjithashtu pranë fabrikave të baterive, gjë që redukton më tej emetimet e CO2 duke shkurtuar distancat e transportit.

“CarbonScape” shpreson se kjo mund të ndihmojë vendet perëndimore në reduktimin e varësisë së tyre nga Kina për bateritë LFP – litium, hekur, fosfat, me të cilat funksionojnë shumë automjete elektrike. Parashikohet që deri në vitin 2030, bota do të përballet me një deficit të furnizimit global prej 777.000 ton grafit.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.