Balluku: Masa drastike për energjinë – Paketa prezantohet të enjten, pritet propozimi i qeverisë për çmimin. Vendimi, “në dorë” të ERE

Paketë me masa drastike për përballimin e krizës energjetike”. Pas mbledhjes së qeverisë, ministrja e Infrastrukturës dhe Energjisë, Belinda Balluku bëri me dije se të enjten do të prezantohet paketa për energjinë, me propozimet konkrete, por përveç shtrenjtimit të energjisë për konsumin mbi 800 kwh, nuk dha detaje.

Por, pavarësisht deklaratave të Ballukut se rikthimi i tarifimit me 2 fasha do të nisë në muajin tetor, vlen të theksohet se ky vendim nuk merret nga qeveria, por nga Enti Rregullator I Energjisë. Në rast se ERE miraton këto ndryshime, atëherë shtrenjtimi i energjisë do të prekë gati 48 500 familje.

Kjo, sipas sipas shifrave zyrtare të siguruara nga TV SCAN për konsumin e abonentëve familjarë për vitin 2022. Paralelisht, në rast të miratimit të skemës nga Enti Rregullator i Energjisë, OSHEE do të arkëtojë ndjeshëm më shumë para’, duke qenë se shtrenjtimi do të sjellë faturimin me çmime më të larta për gati 22.5% të energjisë që konsumojnë familjet shqiptare.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.