Banka e Francës parashikon: Ekonomia e vendit do të shmangë recesionin në fund të vitit 2022!

Ekonomia franceze duhet të shmangë një recesion në fund të vitit 2022, parashikoi të enjten Banka e Francës.

Banka Kombëtare e Francës parashikoi se ekonomia do të rritet me 0.1% anemike në katër muajt e fundit të këtij viti, duke shmangur një recesion, që është dy tremujorë radhazi të rritjes ekonomike negative.

I goditur fort nga rritja e çmimeve të energjisë dhe kriza e kostos së jetesës, PBB-ja e Francës ra me 0.2% në tremujorin e tretë të 2022. Ka një pamje të ngjashme të zymtë në të gjithë Europën, me disa ekonomi kryesore që po goditen.

GDP, ose Produkti i Brendshëm Bruto, është vlera totale e mallrave dhe shërbimeve të prodhuara brenda një ekonomie. Banka e Francës tha se shifrat ishin “lajm i mirë”, duke treguar se kompanitë franceze ishin elastike.

Shërbimet dhe ndërtimi dolën më mirë se sa pritej në nëntor dhe kishte pasur një “rritje të aktivitetit”, tha Olivier Garnier, Drejtor i Përgjithshëm i Statistikave në bankën franceze.

“Në përgjithësi, nuk ka rënie të aktivitetit në fund të vitit”, shtoi ai. PBB-ja duhet të rritet me 0.1% në tremujorin e katërt, duke konfirmuar parashikimin e mëparshëm për një “rritje shumë të lehtë”.

“Sigurisht, është ende e dëmtuar nga pasiguria”, vazhdoi Garnier, por “ne kemi një aktivitet që po reziston mirë, madje pak më mirë se sa pritej”.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.