Bateritë gjigante zbrazin ekonominë e termocentraleve me gaz!

Bateritë gjigante që sigurojnë furnizim të qëndrueshëm me energji elektrike duke kompensuar furnizimet me energji të rinovueshme me ndërprerje po bëhen mjaft të lira për t’i bërë zhvilluesit të braktisin një sërë projektesh për gjenerimin e gazit në mbarë botën.

Ekonomia afatgjatë e termocentraleve me gaz, të përdorura në Europë dhe disa pjesë të Shteteve të Bashkuara kryesisht për të kompensuar natyrën e ndërprerë të energjisë së erës dhe diellore, po ndryshojnë shpejt, sipas intervistave të Reuters me më shumë se një duzinë zhvilluesish termocentralesh, bankierë financues projektesh, analistë dhe konsulentë.

Ata thanë se disa operatorë baterish tashmë po furnizojnë energji rezervë në rrjete me një çmim konkurrues me termocentralet me gaz, që do të thotë se gazi do të përdoret më pak. Ndryshimi sfidon supozimet në lidhje me kërkesën afatgjatë për gaz dhe mund të nënkuptojë se gazi natyror ka një rol më të vogël në tranzicionin energjetik sesa parashtrohet nga kompanitë kryesore të listuara të energjisë.

Në gjysmën e parë të vitit, 68 projekte të termocentraleve me gaz u vunë në pritje ose u anuluan globalisht, sipas të dhënave të ofruara ekskluzivisht për Reuters nga Global Energy Monitor me bazë në SHBA.

Anulimet e fundit përfshijnë vendimin e zhvilluesit të centralit elektrik, Competitive Power Ventures, i shpallur në tetor për të braktisur një projekt të centralit të gazit në New Jersey në Shtetet e Bashkuara. Shkak supozohen të kenë qenë çmimet e ulëta të energjisë dhe mungesën e subvencioneve të qeverisë.

E pavarura britanike Carlton Power hoqi dorë nga planet për një termocentral 800 milionë paund (997 milionë dollarë) në Mançester, Anglinë veriore, në vitin 2016. Duke reflektuar ndryshimin e ekonomisë në favor të ruajtjes, këtë vit ajo nisi planet për të ndërtuar një nga bateritë më të mëdha në botë në vend. Me rritjen e ritmit të tranzicionit të energjisë, zhvillime të tjera mund të zvogëlojnë nevojën për impiante rezervë.

Shitësi me pakicë i energjisë në Mbretërinë e Bashkuar Octopus Energy zhvilloi vitin e kaluar prova që ofruan t’u paguanin familjeve një tarifë të vogël për të ndaluar përdorimin e energjisë elektrike për një orë në një kohë gjatë periudhave të kërkesës së madhe.

Provat mbuluan sasinë ekuivalente të kërkesës për energji që do të plotësonte një central i vogël gazi, ose çfarë mund të shpëtohej duke fikur më shumë se gjysmën e Londrës për një orë. Automjetet elektrike janë një ndërprerës i mëtejshëm pasi ato mund të karikohen kur kërkesa është e dobët dhe më pas mund të furnizohen me energji shtëpitë ose të dërgojnë energjinë përsëri në rrjet gjatë periudhave të pikut të kërkesës.

Një EV tipik qëndron i parkuar 90% të kohës me një bateri të aftë për të ruajtur energji të mjaftueshme për të fuqizuar shtëpinë mesatare moderne për dy ditë, tha platforma softuerike e energjisë Kaluza në një raport të botuar në dhjetor.

Në Europë, 40 milionë automjete elektrike priten deri në vitin 2030, të afta të zhvendosin rreth një të tretën e kapacitetit të energjisë së gazit të rajonit, sipas Kaluza.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.