BE bllokon eksportet e djathit gjeorgjian për shkak të mungesës së sigurisë ushqimore!

Një tokë malesh dhe barinjsh, Gjeorgjia është natyrshëm vendi i djathërave. Megjithatë, shumë eksporte të djathit gjeorgjian në Europë janë të ndaluara sepse rregulloret e prodhimit nuk plotësojnë kriteret e kërkuara nga Brukseli. Rreth 95% e produkteve të qumështit të shitura në Gjeorgji vijnë nga prodhues të padeklaruar.

“Ne duhet të përcaktojmë nëse qumështi mbart sëmundje si antraksi, mastiti ose bruceloza. Duhet të rritet ndërgjegjësimi kundër qumështit të kontaminuar në mënyrë që të shpallet i papranueshëm për tregun gjeorgjian. Çuditërisht, organet rregullatore nuk marrin përgjegjësi“, tha Ana Mikadze-Chikvaidze, Presidente e Shoqatës së Prodhuesve të Djathit Gjeorgjian.

Natyra e parregulluar e prodhimit të djathit në vend ka qenë një dhimbje koke për ata që janë në biznes. Prodhuesit e regjistruar të qumështit dhe djathit e gjejnë veten duke konkurruar me prodhuesit që janë më pak skrupulozë për standardet.

Agjencia Kombëtare e Ushqimit konteston praninë e produkteve të qumështit të patestuara në tregjet e fermerëve. Ai pohon se mekanizmat e kontrollit mbulojnë të gjithë sektorët.

Ana Gemazashvili, nënkryetare e departamentit të sigurisë ushqimore tha: “Regjistrimi i kompanive në tregjet bujqësore nuk është i detyrueshëm, por subjektet prodhuese familjare duhet të regjistrohen në Agjencinë Kombëtare të Ushqimit dhe të respektojnë disa rregullore”.

Vakhtang Kobaladze megjithatë, një koordinator programi në Qendrën Gjeorgjiane për Kërkime Strategjike dhe Zhvillim e kundërshton këtë. Ajo pyet veten nëse qeveria po i jep vetes mjetet për të kryer këto inspektime.

“Agjencisë Kombëtare të Ushqimit i mungojnë burimet për të monitoruar në mënyrë efektive tregun gjeorgjian, duke përfshirë produktet e qumështit. Nëse kontrollet nuk bëhen prioritet i qeverisë, inspektimet dhe studimet laboratorike do të kufizohen”.

Konsumatorët që kërkojnë të kursejnë para duke blerë produkte të paregjistruara duhet të marrin parasysh koston e mundshme afatgjatë për shëndetin e tyre, veçanërisht nëse ato përmbajnë pluhur qumështi.

Bruceloza, në veçanti, mund të transmetohet te njerëzit përmes konsumimit të qumështit. Në vitin 2021, 133 persona u infektuan nga kjo sëmundje në Gjeorgji, pothuajse aq sa në të gjithë Bashkimin Europian.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.