BE transformon lumenjtë në rrugë ujore – Objektivi, transporti miqësor i mallrave ndaj mjedisit

Kthimi në të kaluarën dhe metodat e harruara të transportit të mallrave mund të jenë zgjidhja që BE-ja po kërkon, në përpjekjen e saj për të siguruar transport miqësor ndaj mjedisit për të luftuar ndryshimet klimatike. Sektori i transportit është përgjegjës për 25% të emetimeve dhe BE risjell një zgjidhje shekullore: transporti i mallrave përmes rrugëve ujore, lumenjve.

Duke qenë se lumenjtë e BE shënojnë një total prej 37.000 kilometrash, zyrtarët europianë vlerësojnë se ata mund të zëvendësojnë kamionët që transportojnë mallra në rrugë dhe janë burimi më i madh i gazrave të shkarkimit në sektorin e transportit. Me pak fjalë, Marrëveshja e Gjelbër e BE-së mund t’i kthejë lumenjtë e Europës në rrugë ujore.

Sot, përqindja e mallrave europiane të transportuara nga lumi është më pak se 2%, kur rreth 6.5 milionë kamionë kalojnë rrugët e saj dhe përbëjnë 80% të transportit të mallrave. Për sa i përket hekurudhave, ato përbëjnë vetëm 5% të transportit të mallrave. Megjithatë, nëse transporti lumor i mallrave të Europës rritet, atëherë infrastruktura e vjetër e rrugëve ujore, duke përfshirë portet, do të duhet të përmirësohet.

Ndërkohë, megjithatë, ndryshimet klimatike po e vështirësojnë zgjidhjen e lumenjve: thatësira që ka prekur rajonin e Rhein në vitet e fundit ka ulur nivelin e ujit, duke devijuar një pjesë të transportit drejt arterieve rrugore. Sena ka rreziqe të ngjashme. Rhine, i cili kalon nëpër territorin e Gjermanisë dhe Holandës, është lumi më komercial i Europës, me një vëllim të madh ngarkesash. Në të kundërt, Sena nuk është përdorur në një masë të tillë, por për momentin plani ambicioz është që ta kthejë atë në një mekanizëm eksperimental të tranzicionit të gjelbër.

Trafiku me kamionë në lumin Senë është rritur vetëm me 5% në dekadën e fundit. Ndërkohë që qeveria po përpiqet të përshpejtojë rritjen e këtij trafiku, “lumenjtë janë lënë pas dore prej vitesh”. Shumë nga kapitenët e varkave të lumit në Europë po i afrohen moshës së pensionit dhe mungesa e personelit të kualifikuar mund të dëmtojë suksesin e sipërmarrjes.

Ndërkohë, pjesa e kamionëve të Europës që djegin biokarburante po rritet, megjithëse shumica e tyre funksionojnë me naftë. Në fund të fundit, anijet me energji elektrike po hyjnë në treg, ndërsa kamionët që do të djegin hidrogjenin janë në fazën e prodhimit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.