Brent i Londrës, i qëndrueshëm pranë 94 dollarë – Çmimet, nën presion nga rritja e infektimeve në Kinë dhe frikës për recesion
Çmimet e naftës po shfaqen të qëndrueshëm në sesionin e sotëm, pas dy ditësh me radhë në rënie. Investitorët janë të shqetësuar për ngadalësimin e kërkesës, si pasojë e një recesioni të mundshëm, dhe rritjes së infektimeve me Covid-19 në Kinë.
Nafta Brent e Londrës po tregtohet pranë 94 dollarëve për fuçi, ndërsa nafta Bruto amerikane po tregtohet në rreth 89 dollarë për fuçi. Të dyja kontratat ranë me rreth 2% në sesionin e kaluar. Fondi Monetar Ndërkombëtar uli parashikimin për rritjen ekonomike për këtë vit dhe për vitin e ardhdshëm, duke paralajmëruar për rreziqet e recesionit global.
Gjithashtu, FMN i bëri thirrje bankave qëndrore të vijojnë të luftojnë inflacionin, por kjo do ta ngadalësonte ndjeshëm ekonominë.
Çmimet e naftës po gjenden nën presion edhe nga rritja e infektimeve me Covid-19 në Kinë, që është konsumatori i dytë më i madh i naftës në botë. Qytetet më të mëdha kineze, duke përfshirë Shanghain dhe Shenzenit janë nën kufizime të ashpra, pasi infektimet e reja me Covid-19 kanë prekur nivelin më të lartë që nga gushti i këtij viti.
Investitorët po presin edhe të dhënat mbi rezervat e naftës në SHBA për javën e kaluar, që publikohen në vonë gjatë ditës së sotme.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.