Bursat europiane, të qëndrueshme – Volum i ulët i shkëmbimeve tregtare, priten të dhënat për Eurozonën

Tregjet europiane po qëndrojnë në rritje, në sesionin e sotëm, pas humbjeve të realizuara një ditë më parë. Indeksi pan-Europian Stoxx 600 e ka nisur ditën në rritje të lehtë me 0.1% të vlerës, ndërsa volumi i shkëmbimeve tregtare është i ulët, për shkak të festave të fundvitit. Në rajonin e Azi-Paqësorit, shumica e bursave u mbyllën në rënie, pasi inflacioni bazë në Japoni preku nivelin më të lartë në 40 vitet e fundit, prej 3.7%.

Ndërsa në Shtetet e Bashkuara të Amerikës, ekonomia u zgjerua me 3.2% në tremujorin e tretë të vitit, ndërsa aplikimet për përfitimin e asistencës së papunësisë u rritën më pak se parashikimet. Këto të dhëna kanë shtuar mundësitë që Rezerva Federale të vijojë me politikën e saj shtrënguese, edhe në fillim të vitit 2023.

Tashmë, investitorët do të presin edhe të dhënat kryesore ekonomike për Eurozonën, për të parashikuar me më shumë saktësi politikat që do të ndjekë Banka Qendrore Europiane. Në takimin e fundit për këtë vit, bankat qëndrore më të mëdha të botës vendosën të rrisin normën bazë të interesit me gjysmë pikë përqindje, sikurse pritej gjerësisht nga investitorët.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.