Ekonomia në Britani regjistron rritje – Bien poshtë parashikimet, ndërsa zgjerimi është 0.3%
Prodhimi ekonomik britanik në shkurt u rrit me 0.3%, më mirë se sa pritej, sipas të dhënave që mund të forcojnë bastet e investitorëve se Banka e Anglisë do të rrisë sërish normat e interesit këtë muaj.
Paundi u rrit kundrejt dollarit amerikan dhe euros, ndërsa rritja u fuqizua nga sektori i shërbimeve – edhe pse pjesa më e madhe e saj për shkak të një fryrje të njëhershme në sektorin e arsimit. Sipas zyrës për statistikat kombëtare, sektorët e prodhimit dhe të ndërtimit u tkurrën.
Ministri britanik i financave Jeremy Hunt deklaroi se përballë sfidave të rënda globale, ekonomia e Mbretërisë së Bashkuar është treguar më elastike se sa pritej, por vendi ka ende një rrugë të gjatë për të bërë. Ministri do të prezantojë buxhetin e tij vjetor javën e ardhshme.
Ndërsa tregjet reaguan në mënyrë të favorshme ndaj të dhënave të rritjes, ONS tha se gjysma e normës së rritjes prej 0.3% përbënte sektorin e arsimit, si rezultat i kthimit të fëmijëve në shkollë pas një “rënie të ndjeshme” të niveleve të frekuentimit në dhjetor.
Gjatë tre muajve të fundit në tërësi dhe në të vërtetë gjatë 12 muajve të fundit, ekonomia megjithatë ka treguar zero rritje, shtoi drejtori i Statistikave Ekonomike të ONS.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.