Franca nuk ka energji elektrike të mjaftueshme për dimrin – Qeveria përpiqet të shmangë ndërprerjen e furnizimit me energji për familjet

Franca rrezikohet nga ndërprerjet e furnizimit me energji elektrike këtë dimër. Një situatë që qeveria e Parisit po përpiqet ta shmangë me cdo kusht. Pas mbledhjes së fundit, ekzekutivi francez konfirmoi se EDF, furnizuesi më i madh i energjisë elektrike në Francë, ka marrë përsipër të aktivizojë të gjithë sektorin bërthamor deri në mes të shkurtit 2023.

32 reaktorë, nga 56 reaktorët francezë janë të mbyllur, për arsye riparimi por dhe për procese rutinë të mirëmbajtjes.

Një problem ky që përkthehet në një pengesë të madhe për perspektivat për prodhimin e energjisë elektrike në sektorin bërthamor dhe gjithashtu për rezultatet financiare të EDF, të cilat qeveria ka planifikuar të rinacionalizojë. Pothuajse të gjitha termocentralet bërthamore franceze preken nga pasiviteti i një ose më shumë reaktorëve. Megjithatë, sipas parashikimeve të EDF, 27 reaktorë do të rifillojnë deri në fund të dhjetorit, të ndjekur nga 5 të tjerë midis fillimit të janarit dhe mesit të shkurtit 2023.

Megjithatë, shumë venë në pikëpyetje aftësinë e kompanisë për të realizuar këtë program Riparimi i tyre kërkon operacione komplekse të cilat pritet të zbulojnë probleme të reja. Me pak fjalë, aftësitë operacionale të këtyre impianteve mbeten në dyshim. Ndërkohë, çmimi i shitjes me shumicë për megavat orë vazhdon të rritet ndjeshëm, duke u dhjetëfishuar brenda vitit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.