Frika e luftës në qytetin ishull danez – Bornholm me 40.000 banorë, një vend strategjik ku kalojnë tubacionet e gazit

Kur tubacionet e gazit Nord Stream u çanë pranë ishullit Bornholm muajin e kaluar, banorët ndjenë se lufta në Ukrainë po afrohej shumë, duke ekspozuar izolimin e pikës më lindore të Danimarkës dhe rritur frikën e agresionit rus. Ishulli shkëmbor i Detit Baltik me rreth 40,000 banorë është një vend strategjik të rëndësishëm midis kryeqytetit të Danimarkës, Kopenhagen dhe qytetit rus të Kaliningradit.

Ulrik Skytte, Shefi i Gardës së Bornholmit, një degë vullnetare e ushtrisë daneze, tha se shpërthimet e Nord Stream shtuan në ishull ndjenjën e krizës. Krerët e qeverive perëndimore i quajtën dëmtimet në tubacionet, që lidhin Rusinë dhe Gjermaninë nën det, një akt sabotimi, por ende mbetet e paqartë se kush mund të qëndrojë pas shpërthimeve.

“Bornholm ndodhet në mes të detit Baltik, duke qenë si një porte hyrjeje dhe për këtë arsye kemi një rëndësi strategjike jo vetëm për Danimarkën, por edhe për NATO-n. Kështu që po, gjërat kanë ndryshuar”, tha Skytte nga baza ushtarake Almegard pranë Ronne, qyteti më i madh i Bornholm.

Që nga fillimi I luftës në Ukrainë, ka pasur më shumë vullnetarë në Gardën e daneze dhe trajnimi është ripërqendruar për t’u fokusuar pothuajse ekskluzivisht në stërvitjet ushtarake.

Pas dëmtimit të tubacionit të gazit, autoritetet suedeze dhe daneze rrethuan zonën dhe nisën hetimet, duke zbuluar se shkaku ishin shpërthimet e fuqishme.

Kryetari i bashkisë së Bornholm, Jacob Trost thotë se marrja me çështjet e sigurisë u bë shpejt pjesë e punës së tij pasi mori detyrën në janar. Ushtria e Danimarkës vendosi dy avionë luftarakë F-16 në ishull këtë vit dhe aktiviteti detar është rritur në zonë.

“Ka një situatë të re sigurie në Bornholm për shkak të luftës në lindje. Qyteti ndodhet në lindjen më të largët të Danimarkës, kështu që ne jemi në qendër të vëmendjes këto ditë,” tha ai.

Danezët votojnë të martën për rinovimin e parlamentit ku pasiguria gjeopolitike dhe trazirat ekonomike mund të ndikojnë në rezultatet e zgjedhjeve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.