Gjendje të fikëti dhe dehidratimi – Nxehtësia detyron Akropolin të mbyllet përkohësisht!
Vullnetarët, mjekët dhe punonjësit e kujdesit shëndetësor nga Kryqi i Kuq Helen ofruan ujë dhe ndihmën e parë për turistët që shpresonin të vizitonin monumentin antik, i cili ishte i mbyllur nga mesdita deri në orën 17:00 sipas kohës lokale.
Organizata raportoi se disa nga vizitorët e sitit përjetuan shenja dehidrimi dhe të fikëti për shkak të temperaturave të larta.
Akropoli është një nga monumentet më të njohura të Greqisë, dhe rreth 14,000 njerëz e vizituan atë vetëm në maj.
Pas mbylljes së përkohshme, shumë prej turistëve gjetën strehim në restorantet e afërta, duke kërkuar një pije për t’u freskuar dhe diçka për të ngrënë.
Dhe ndërsa shumë kompani lejuan punonjësit të punonin nga shtëpia të Premten, disa punëtorë në sektorin e zhurmshëm të turizmit të vendit iu desh të përballonin vapën.
Pjesë të tjera të Europës po përjetojnë gjithashtu temperatura në rritje, pasi 12 nga 17 rajonet e Spanjës pritej të arrinin 40 gradë Celsius të premten.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.