“Gjenerata Z” objektiv i mashtrimeve online – Informacionet e vjedhura të kartave të kreditit shiten për disa qindra euro

Në një kohë që 76 milionë detaje të kartave të kreditit janë vënë aktualisht në shitje në “rrjetin e errët”, mashtruesit po synojnë konsumatorët më të rinj në mediat sociale.

Kjo bëhet e mundur me anë të një shakaje, me të cilën përdoruesit telefonojnë miqtë e tyre duke përdorur një zë automatik të telefonit për t’u thënë se një shumë parash do të hidhet në llogarinë e tyre. Një fenomen që po fiton gjithnjë e më shumë terren në TikTok. Studiuesit e Kaspersky zbuluan një rritje të numrit të e – maileve me këtë objektiv – pothuajse 100 mijë në total.

Kategoria më e prekur ndaj këtyre sulmeve është ajo që njihet si “Gjenerata Z” e cila është rritur me një telefon ose një iPad në duar. Këta të rinj ndihen më mirë kur blejnë gjëra në internet dhe u besojnë transaksioneve on line.

Sipas hulumtimit të Kaspersky, 39% e të anketuarve të ‘Gjeneratës Z’ kanë rënë viktimë e mashtrimeve të ‘phishing’. I njëjti hulumtim nxjerr në pah një element veçanërisht shqetësues: besimin e tepërt që fëmijët e këtij brezi kanë për sigurinë e blerjeve online.

Shumat e humbura nga të rinjtë janë shumë më të vogla se ato të humbura nga të moshuarit, të cilët kanë më shumë gjasa të bien viktimë e mashtrimeve telefonike nga persona që imitojnë të afërmit ose teknikët mbështetës. Humbja mesatare nga mashtrimet në internet për njerëzit e moshës 18 deri në 59 vjeç ishte 500 dollarë në 2021, ndërsa për njerëzit e moshës 80 vjeç e lart, ishte 1500 dollarë.

Në “Dark Web” informacioni i vjedhur i kartës së kreditit shitet nga 0.40 bitcoin rreth 300 euro në 2.4 bitcoin rreth 2000 euro) Çmimi ndryshon në varësi të ditëve që përdoruesi mund t’i përdorë ato dhe kufirit të lejuar të kreditit të secilës kartë.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.