Gjermania ‘lutet’ për këta punëtorë – Kuzhinierë, mjekë, infermierë dhe mjeshtër në sektorin e ndërtimit

Gjermania po kërkon në mënyrë të dëshpëruar fuqi punëtore në sektorë të caktuar, në rast të kundërt shumë biznesë rresikojnë të mbyllen. Restorantet nuk mund të gjejnë kuzhinierë, spitaleve u mungojnë mjekët dhe infermierët, ndërtuesit vonohen në punët e tyre pasi nuk kanë mjeshtër – dhe pishinat nuk do të mund të punojnë pa rojet e tyre.

Mungesa e fuqisë punëtore të kualifikuar në Gjermani mund të shihet në shumë fusha. Restorantet nuk mund të gjejnë kuzhinierë, spitaleve u mungojnë mjekët dhe infermierët, ndërtuesit vonohen me punë pa mjeshtër – dhe pishinat nuk do të mund të punojnë pa rojet e shpëtimit.

Sezoni i pishinave të hapura fillon pas pak javësh dhe administratat janë duke kërkuar dëshpërimisht roje shpëtimi dhe instruktorë noti. Domethënë, pa ata, pishinat nuk mund të presin njerëz dhe do të qëndrojnë të mbyllura derisa ta zgjidhin problemin.

Operatorët e pishinave në qytete kanë hapur një konkurs të përhershëm me kërkesa minimale: Kandidatët nuk kanë nevojë të caktojnë orare, mund të paraqiten në çdo kohë dhe duhet të kenë vetëm rroba banje.

Në javët e ardhshme, shumica e komuniteteve lokale do të mbyllin konkursin për roje shpëtimi dhe instruktorë. Më pas do të bëhet e qartë se cili është deficiti i saktë për hapjen e sezonit veror. Përveç tyre, Gjermania ka mungesë midis 2.000 dhe 3.500 punëtorëve të tjerë të pishinës, duke përfshirë stafin teknik që kujdeset për cilësinë e ujit, për shembull.

Në vend ka rreth 6500 pishina të brendshme dhe të jashtme. Në tre vitet e mëparshme, shumë prej tyre u hapën me vonesë dhe shkurtuan orarin e tyre të punës, dhe disa mbyllën plotësisht dyert e tyre për publikun.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.