Gjigantët amerikanë blejnë pajisje të IA nga Meksika – Investime të mëdha nga kompanitë tajvaneze në teknologjitë më të avancuara

Gjigantët e teknologjisë amerikane po kthehen masivisht në Meksikë për të prodhuar komponentë të inteligjencës artificiale, në një përpjekje tjetër për të reduktuar varësinë e tyre nga Kina. ‘Foxconn’ me bazë në Tajvan, prodhuesi më i madh në botë i kontratave të pajisjeve elektronike, dhe kompani të tjera po bëjnë investime të bashkërenditura në vendin e Amerikës Latine, sipas drejtuesve dhe analistëve të industrisë.

Ata po përfitojnë nga Marrëveshja e Tregtisë së Lirë SHBA-Kanada-Meksikë – USMCA, e cila hyri në fuqi në vitin 2020 dhe ka tërhequr miliarda dollarë nga prodhuesit bazuar në strategjinë e ‘aftësimit’, d.m.th. zhvendosjen e aktiviteteve prodhuese të kompanive më afër në tregjet e tyre kryesore për të reduktuar kostot e transportit dhe për të ofruar produktet e tyre më shpejt te klientët.

Në shkurt të këtij viti, Foxconn shpenzoi rreth 27 milionë dollarë për të blerë tokë në shtetin meksikan perëndimor të Jalisco, dhe gjatë katër viteve të fundit gjigandi ka investuar rreth 690 milionë dollarë në vend. Objektet e Foxconn në Meksikë prodhojnë serverë të inteligjencës artificiale për gjigantët amerikanë duke përfshirë Amazon, Google, Microsoft dhe Nvidia.

Ndërsa prodhimi i teknologjisë së fundit të IA rritet, kompanitë amerikane po përpiqen të shmangin një përsëritje të historisë së smartfonëve, pas përparimit mbresëlënës të bërë 15 vjet më parë.

Pjesa më e madhe e prodhimit kryesor të telefonave inteligjentë dhe komponentëve të tyre përfundoi në Kinë, veçanërisht në fabrikat e drejtuara nga Foxconn dhe të tjerët për të montuar iPhone.

Meksika, natyrisht, mbart rreziqet e veta si një qendër prodhuese, si krimi, furnizimet e pamjaftueshme me ujë dhe energji elektrike dhe konkurrenca intensive e pagave midis punëtorëve të aftë në montimin e produkteve të teknologjisë së lartë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.