Gjykata e Vjenës dënon ish-kancelarin austriak Sebastian Kurz!

Pas dymbëdhjetë ditësh diskutime, një gjykatë në Vjenë ka dhënë vendimin e saj për gjyqin e ish-kancelarit austriak Sebastian Kurz.

Ai është dënuar për deklarata të rreme në një hetim parlamentar. Vendimi në gjykatën penale të Vjenës pasoi një gjyq katër mujor.

Rasti shënoi herën e parë në më shumë se 30 vjet që një ish-kancelar austriak ishte para gjyqit. Atij iu dha një dënim me kusht tetë muaj.

Kurz, i cili dikur u përshëndet si një “wunderkind” i Partisë Popullore Austriake, dha dorëheqjen në vitin 2021 pas një hetimi të veçantë korrupsioni.

Prokurorët në gjyqin, i cili u hap në tetor, akuzuan 37-vjeçarin se kishte dhënë dëshmi të rreme në qershor 2020 gjatë një hetimi në lidhje me rolin e tij në krijimin e një kompanie mbajtëse të quajtur OeBAG.

Ai është marrë gjithashtu në pyetje për dhënien e pretendimeve të rreme në të njëjtin hetim për emërimin e ish-të besuarit të tij të ngushtë Thomas Schmid në një pozicion drejtues.

Sipas Associated Press, një kopje private e aktakuzës përfshinte mesazhe tekstuale inkriminuese në telefonin e Schmid.

Schmid ka dëshmuar gjerësisht si dëshmitari kryesor i prokurorisë për këtë çështje. Kurz mohoi akuzat dhe la të kuptohej se rasti ishte ndikuar nga politika.

Ai erdhi në pushtet në moshën 31-vjeçare me një platformë kundër emigracionit si lider i Partisë Popullore.

Duke u bërë Kancelar në vitin 2017, ai bëri thirrje për zgjedhje të parakohshme pas dorëheqjes së zëvendëskancelarit të tij, i cili u kap në video që supozohet se i premtonte kontrata qeveritare një investitori të mundshëm rus.

Kurz u kthye në pushtet në një koalicion me të Gjelbërit në fillim të vitit 2020, por dha dorëheqjen përsëri në 2021 pasi u bë objektivi i një hetimi të dytë për ryshfet të dyshuar.

​Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.